OZOCOgz publica os microrrelatos do seu concurso literario

OZOCOgz publica os microrrelatos do seu concurso literario
Extracto da portada do libro
Extracto da portada do libro  

A empresa OZOCOgz vén de publicar un libro cos microrrelatos que se presentaron ao concurso literario que convocaron nos últimos catro anos. 


Trátase dunha compilación de 190 páxinas, con máis de 150 microrrelatos ilustrados que participaron nos concursos que esta marca de deseño organiza anualmente. 

O volume xa está ao dispor dos interesados/as na súa tenda electrónica (ao prezo de 7 euros). Os beneficios xerados pola venda destes exemplares destinaranse na súa totalidade a ASPADISI (Asociación de Pais  e Nais de Persoas con Discapacidade Intelectual da Comarca do Carballiño). Tamén poderán conseguirse no Culturgal (Pontevedra) do 2 ao 4 de decembro, previa encomenda.