DAVIDE SALVADO

"Un país que non apoia a súa cultura non está ben culturalmente"

"Un país que non apoia a súa cultura non está ben culturalmente"
Davide Salvado, tocando na festa do 5º Aniversario de Sermos
Davide Salvado, tocando na festa do 5º Aniversario de Sermos  Beatriz G. Caneda

Este domingo quen senta connosco a falar no #VenhanMaisCinco é o músico Davide Salvado, que estes días apresenta o seu último traballo, Lobos.


-Como avalías o estado actual da cultura galega?

 

-A nivel de artistas creo que está moi ben, hai un montón de proxectos e proxectos bonitos e interesantes mais os apoios do goberno son nulos entón creo que non está ben. Un país que non apoia a súa propia cultura é un país que non está ben culturalmente.

 

-Que evolución agardas da cultura galega a cinco anos vista?

 

-Pois non sei a verdade. Eu normalmente son bastante positivo, pero vendo a traxectoria deste país e a xente e o que se fai no rural... Paréceme un pouco desencantante. Non me gusta poñerme no peor lugar pero penso que se non cambiamos a sociedade e empezamos a votar a outra “cousa” e valorar o que temos... habería que, por exemplo, que deixar de chamar orquestras para as festas das aldeas e das vilas e empezar a chamar a proxectos do país e que a xente valore os espectáculos pagando a entrada e cousas así, que xa noutros lugares e noutros países xa está normalizado; se non se fai iso, isto non se vai solucionar. Creo que en cinco anos non se vai solucionar tan rápido.

 


-Que esperas de Sermos nos próximos cinco anos e en que cres que podemos ou debemos mellorar?

 

-A verdade é que me encanta a vosa publicación. É un xornal moi necesario, escrito en galego e moi necesario neste país. Espero longa vida para Sermos Galiza.

 


 



x