QUE FACER?

Salvaterra do Miño acolle esta sexta e sábado a 30 edición do Festival de Poesía

Salvaterra do Miño acolle esta sexta e sábado a 30 edición do Festival de Poesía
Fran Alonso, un dos poetas que tomará parte no festival de Salvaterra de Miño
Fran Alonso, un dos poetas que tomará parte no festival de Salvaterra de Miño  

31 Festival da Poesía no Condado. Sexta feira e sábado.

O 1 e o 2 de setembro Salvaterra do Miño acolle unha das citas máis esperadas do verán, o Festival de Poesía, que xa vai pola trixésimo primeira edición. Poesía, teatro, audiovisual, fotografía, música... e moito máis nun encontro que contará coa presenza, entre outros, de Fran Alonso, Vítor Vaqueiro, Palmira V. Méndes, Marilar Aleixandre, Míriam Ferradáns ou Isabel Risco. A nota musical correrá a cargo de Os Diplomáticos de Monte Alto e Sacha na Horta, entre outros.

 

POBRA DO CARAMIÑAL. Sexta feira e sábado (xa comezou a quinta feira). PRAZA DO EMIGRANTE 

FESTIVAL ENTREBATEAS

Chega a segunda edición do Festival Entrebateas, tres días de música, con acampada incluída, en que se poderán escoitar A Compañía do Ruído, Trapallada ou Hamlet e Dejadeath.

 

AMORA-SEIXAL. Sexta feira, sábado e domingo NA ATALAIA

FESTA DO AVANTE

Do 1 ao 3 de setembro terá lugar a tradicional festa do Partido Comunista Portugués, que este ano convida Xabier Díaz e As Adufeiras, en representación de Galiza. Música, teatro, danza, política... e moito máis.

 

PONTEVEDRA. Sexta feira e sábado. 

FEIRA FRANCA

A cidade do Lérez volve, máis un ano, ao Medievo, para celebrar a Feira Franca, que xa vai pola XVIII edición. O amplo programa inclúe os torneos medievais, que terán lugar ás 17.30 e 20h do sábado.

 

TOMIÑO. Sexta feira e sábado EN GOIÁN

MINHO REGGAE

Suman oito as edicións do Minho Reggae, un evento sociocultural transfronteirizo centrado na música reggae e nas representacións artísticas de Galiza, Portugal, Europa, Brasil ou Jamaica.

 

MOS DO 1 AO 2 DE SETEMBRO NO PAZO DE MOS

O SON DO PAZO

O Festival Intercéltico convida Airiños do Castelo, Radio Cos, Os Carunchos na sexta feira e Os Chavellos, Irish Treble, Susana Seivane e Abóbriga o sábado.

 

PALAS DE REI. Sábado.

THE TETAS’VAN

A revolución en feminino recala en Palas de Rei, onde actuarán The Tetas’s Van, mozas especialistas en versións en lingua galega de música de todo o mundo e todos os estilos.

 

ALLARIZ. Sábado. FUNDACIÓN VICENTE RISCO ÁS 21H

III CICLO DE MÚSICA DE CÁMARA

A Fundación Vicente Risco organiza o III Ciclo de Música de Cámara, en que se interpretarán temas de Coldplay, Guns and Roses, U2, The Verve, Deep Purple… e coñecidas bandas sonoras de filmes.



x