Fruga acusa Medio Rural de porse “medallas” mentres en 2017 tiveron que fechar 424 explotacións

Fruga acusa Medio Rural de porse “medallas” mentres en 2017 tiveron que fechar 424 explotacións

Critica que a Consellaría presuma dunha suba no prezo do leite cando seguimos a ter “os máis baixos de todo o Estado” e continúan o fechar explotacións.


As declaracións da conselleira do Medio Rural pabenizándose da suba do prezo do leite en Galiza non poden para a Fruga ser cualificadas máis que como “propaganda”. A Federación Rural Galega lembra que durante 2017 o sector lácteo galego “sufriu os prezos mais baixos de todo o Estado español, o cal levou consigo que un importante número de explotacións lácteas tiveran que pechar as súas portas”.

 

A media do Estado estivo en 0,334 euros no mes de novembro mentres en Galiza ese prezo foi de 0,32. “Non pode utilizar a escusa de que a causa do baixo prezo do leite en Galiza teña a ver con as calidades en graxa e proteína, xa que Galiza está ao mesmo nivel que a media do Estado español”.

 

O abandono de explotacións lácteas en Galiza foi moi superior o resto do estado. Durante o ano 2017,  424 ganderías galegas de leite pecharon as súas portas, o que representa  57% do total do Estado español. Unha vez mais somos os últimos no prezo do leite, e os primeiros no número de peches.

 

Galiza dende o ano 2013 o 2016 Galiza perdeu 33000 hectáreas de superficie agraria útil, lembra a Fruga, que considera que a política agraria da Consellería do medio rural, “está destinada principalmente a favorecer os intereses de empresas como ENCE, favorecendo e incentivando as plantacións de eucaliptos, e eliminando unha importante cantidade de superficie agraria útil”.



x