Nove meses consecutivos de descenso na creación de empresas en Galiza

Nove meses consecutivos de descenso na creación de empresas en Galiza
Polígono industrial na Galiza
Polígono industrial na Galiza  

En febreiro diminuíu case 8% mentres que no conxunto do Estado foi apenas 1,1%.


Galiza encadea nove meses con creación de empresas á baixa: os dados do Instituto Nacional de Estatística (INE) recollidos por Europa Press sinalan que no último mes rexistrado, febreiro, ese descenso foi de 7,7% en comparación co mesmo mes do ano pasado. Nese mesmo mes disolvéronse 138 sociedades mercantís. A nivel estatal, o número de novas sociedades mercantís baixou en 1,1% en febreiro respecto ao mesmo mes de 2017, o que supón case 7 puntos menos que en Galiza.

 

Así pois, a creación de empresas en Galiza mantense en peores rexistros que na media do Estado español. O impacto da crise continúa a deixar pegada. Entre 2008 e 2016 no noso país perdéronse por volta de 11.000 empresas. Un exemplo: só nun sector de tanta importancia como as empresas  innovadoras, un estudo do profesor da Universidade de Vigo e experto en innovación industrial, Xosé H. Vázquez indicaba que durante a recesión económica (2007-14) Galiza perdera 60% das súas empresas innovadoras (1.505 empresas pechadas ou trasladadas).



x