En plena greve das traballadoras de Bershka, Amancio Ortega ingresa esta quinta feira 628 millóns de euros

En plena greve das traballadoras de Bershka, Amancio Ortega ingresa esta quinta feira 628 millóns de euros
Amancio Ortega
Amancio Ortega  

Amancio Ortega e a súa filla Sandra Ortega configúranse como as dúas primeiras fortunas do Estado español, segundo a lista Forbes.


Esta quinta feira, o presidente de Inditex, Amancio Ortega, cobrou 628 millóns de dividendos procedentes da última retribución que abonará Inditex aos seus accionistas. Desta forma eleva os seus ingresos neste 2017 a 1.256 millóns de euros e eleva a súa fortuna persoal a 70.000 millóns de euros. Esta cifra equivale ao capital das 51 fortunas seguintes na mesma lista.

 

A cara b da moeda atopámola no parón indefinido nas tendas Bershka da provincia de Pontevedra no sexto día da greve convocada polas traballadoras, que continúan cun seguimento absoluto nos estabelecimentos de Vigo, Pontevedra e Vilagarcía de Arousa. Reclaman xornadas laborais máis largas fronte a contratos a media xornada, acordos nos pluses, retribucións e permisos que rematen coas diferenzas entre as distintas marcas e cadeas do grupo téxtil.

 

Pai e filla lideran a lista das maiores fortunas españolas, seguidos de Juan Roig (presidente de Mercadona e cunha fortuna que alcanza 4.800 millóns de euros), Miguel Fluxá (presidente de Iberostar e cun capital de 3.600 millóns de euros) e en quinto lugar Rafael del Pino (presidente de Ferrovial e poseedor dunha fortuna de 2.900 millóns de euros). O capital dos cinco empresarios constitúe 55,3% do total da riqueza do Estado español.



x