Acordo Barcelona-Generalitat sobre o referendo mais sen cesión de locais municipais

Acordo Barcelona-Generalitat sobre o referendo mais sen cesión de locais municipais
Colau, nun acto dos comúns na compaña de Xavier Domènech
Colau, nun acto dos comúns na compaña de Xavier Domènech  ACN (NacióDigital)

Anunciouno Ada Colau no seu twitter. "En Barcelona se poderá participar o 1-O", afirma, mais, engade, "sen pór en risco nen a institución nen os funcionarios". Traducido: todo indica que o concello non cederá locais da súa titularidade para a ubicación dos colexios eleitorais.


Os termos do acordo alcanzado entre o concello de Barcelona e o Govern -anunciado por Colau a meio dun chio e ratificado na mesma rede social por Puigdemont- non se coñecen neste momento. En todo caso, o goberno local afirma que si cumpre co seu compromiso, o de facilitar a participación o 1-O. Cumpre lembrar a este respeito que para os comúns o que vai haber non é un referendo -pois, alegan, carece de garantías e de recoñecimento legal e internacional-, senón unha mobilización cidadá.

 

Todo indica que, a diferenza dos concellos investigados pola Fiscalía, o de Barcelona non cederá a súa infraestrutura propia para acoller os locais de votación o 1 de outubro.

 

Esta mesma quinta feira, sóubose que Ada Colau recebera un ditame xurídico do secretario do concello de Barcelona en que se ditaminaba que a cesión de locais municipais para a realización do referendo podería resultar en consecuencias de carácter penal.

 

 



x