Ameazados con multas de 600 euros por levaren unha camiseta de apoio aos mozos de Altsasu

Ameazados con multas de 600 euros por levaren unha camiseta de apoio aos mozos de Altsasu
Concentración de apoio aos detidos en Altsasu
Concentración de apoio aos detidos en Altsasu  

Tres mozos foron identificados e ameazados cunha multa de 600 euros en Iruñea, durante as celebracións dos sanfermíns, por levaren unha camiseta de apoio aos xoves da localidade navarra de Altsasua.


Os feitos acontecían o pasado domingo día 9 de xullo. A policía parou unha persoa por levar unha camiseta co lema “Etxera #AltsasukoakAske Muntai polizialik ez STOP montajes policiales” e ameazouna con denunciala. Á pregunta de se era ilegal levar esa camiseta, os policías responderon que si.

 

Outros xoves achegáronse a apoialo, rematando dous deles identificados polas forzas policiais após momentos de tensión. Os axentes sacaron unha imaxe da camiseta e informaron o mozo que a levaba de que fora multado con 600 euros. Na localidade de Altsasu tivo lugar unha concentración para denunciar os feitos.

 

 

 



x