Concentracións masivas en Catalunya pola liberdade dos presos nunha xornada de greve xeral

Concentracións masivas en Catalunya pola liberdade dos presos nunha xornada de greve xeral
catalunya greve folga greve
catalunya greve folga greve  

A xornada está marcada polos cortes viarios e ferroviaros, así como mobilizacións concorridas.


Catalunya rexistrou esta quinta feira o maior número de cortes viarios e ferroviarios nunha greve xeral. Uns cortes que afectaron autoestradas, liñas de AVE e de proximidade ou estradas comarcais e locais no marco da greve convocada pola central independentista I-CSC, co apoio de parte da CGT e do colectivo de CC OO Comissions per la Independència. UGT e CC OO non a apoian formalmente.

DOHA69BX0AAASl6

 

O outro elemento a pór en destaque na xornada son as concentracións masivas para exixir a liberdade dos membros do Govern presos, así como dos ‘Jordis’. Máis de 8.000 persoas en Barcelona e 5.500 en Sabadell, por citar só dúas das cidades onde decorreron estas mobilizacións. Mais a listaxe é moito máis ampla. En Lleida, centos de tractores acompañaron a miles de persoas na manifestación.

 

O Estado español fixo de menos a mobilización, indicando que apenas tivo seguimento no ensino (onde dixo que foi de 31,5%, os sindicatos convocantes falan de 45%). Porén, o paro de país evedenciouse en diferentes sectores, desde diversas industrias, comercio local, meios de comunicación até transporte.

 



x