HABERÁ UN RECOÑECIMENTO SIMBÓLICO A PUIGDEMONT

Elsa Artadi perfílase como presidenta "executiva" da Generalitat

Elsa Artadi perfílase como presidenta "executiva" da Generalitat
Elsa Artadi, durante un mitin de JxCat
Elsa Artadi, durante un mitin de JxCat  

RAC 1 -a emisora líder de Catalunya- avanza os trazos básicos do acordo entre as distintas formacións soberanistas. Haberá unha declaración simbólica de recoñecimento da lexitimidade de Puigdemont, mais a efeitos xurídicos a presidencia da Generalitat será para a economista Elsa Artadi (Barcelona, 1976).


Un acordo que combina lexitimidade e pragmatismo e que ten como norte desactivar o 155 e restituír as institucións catalás de autogoberno, embora sexa no marco autonómico. Ese é froito das conversas recentes entre JxCat e ERC. A saída do sarillo pasaría por unha declaración simbólica do Parlament a prol da lexitimidade da presidencia de Puigdemont e, a seguir, pola convocatoria dun pleno para investir como presidenta Elsa Artadi, man direita do político de Girona. As fontses consultadas por RAC1 afirman que o pronunciamento da cámara sobre Puigdemont será unha proposta de resolución sen efeitos xurídicos -unha declaración de vontade- e, por tanto, non estaría exposto a ser recorrido polo Goberno español perante o Tribunal Constitucional. A CUP estaría de acordo con esta solución.

 

Elsa Artadi é economista pola Universitat Pompeu Fabra e obtivo o grao de doutora en Harvard. Deu aulas en Italia, China, e foi membro do comité científico e consultora do Banco Mundial. A súa incorporación ao Govern produciuse en 2013, como asesora do conseller de Economía Andreu Mas-Colell. En 2015 xa era secretaria de Facenda. Pertence ao círculo de máxima confianza de Puigdemont. Tan é así que cando o político de Girona decidiu lanzar a lista do president nas eleccións do 21 de decembro de 2017, Artadi formalizou a súa baixa do PDeCAT -partido para o cal coordenaría a súa ponencia ideolóxica- para reforzar o perfil de Junts per Catalunya como unha candidatura de persoas independentes.

 



x