Máis de 30.000 persoas maniféstanse en Bilbo en apoio do referendo catalán

Máis de 30.000 persoas maniféstanse en Bilbo en apoio do referendo catalán
Manifestación este sábado en Bilbo en apoio ao pobo catalán.
Manifestación este sábado en Bilbo en apoio ao pobo catalán.  Foto: Naiz

Unhas trinta e dúas mil persoas segundo medios vascos participaron esta tarde en Bilbo nunha manifestación de respaldo ao pobo catalán e á celebración do referendo do próximo 1 de outubro. Destacados dirixentes de EH Bildu e do PNV acompañaron a marcha. 


Convocada pola iniciativa vasca pro dereito a decidir Gure Esku Dago, e baixo os lemas Democracia" e "Votar para decidir”, a manifestación recorreu esta tarde o centro de Bilbao encabezada por membros da plataforma e líderes sociais, entre eles, Jesús Uzkudun, de CC.OO., e o ex reitor da UPV, Zelai Nikolas. Tamén acudiron representantes de EH Bildu e PNV, segundo informa Naiz

 

«O Estado español non é un estado democrático, non é un estado avanzado. É un estado atrasado que non está ao nivel de outros estados democráticos europeos, como está demostrando estes días coa súa actitude cara Catalunya», dixo a parlamentaria de EH Bildu, Jasone Agirre.

 

Itxaso Atutxa, presidenta do Bizkai Buru Batzar, declarou pola súa banda que “Catalunya é unha nación e como nación ten dereitos políticos”. Entre os representantes do PNV estiveron ademais Joseba Egíbar e José Antonio Suso, presidentes do partido en Gipuzkoa e Araba; mentres que por parte de EH Bildu tamén participou na marcha Arnaldo Otegi.

 



x