PALABRAS CON MEMORIA

Os aburridos apampan e os apampados aletargan

Os aburridos apampan e os apampados aletargan
Buster Keaton fixo ben veces de pambolas no cinema
Buster Keaton fixo ben veces de pambolas no cinema  

Acatimado/a.- (Ademais de significados rexistrados). Aburrido/a. 

Exemplo: Xa estamos acatimados de que chova.

Lugar de escoita.- Zona de Navia de Suarna (recollida en Castañedo).

Fonte.- Berta Fdez. Otero/Endl Navia de Suarna.

Pambolas.- Persoa apampada.

Lugar de escoita.- Muxía.

Fonte.- Proxecto Buserana de Muxía.

Pampalampán.- Apampado, abobado.

Lugar de escoita.- Muxía.

Fonte.- Proxecto Buserana de Muxía.

Papoxo/a.- (Con intención cariñosa e referido aos nenos pola súa inxenuidade) Papán, pampán. 

Exemplo: Que papoxo!

Lugar de escoita.- San Roque (Vigo)

Fonte.- Begoña Caldas Rodríguez.

Paxarada.- Paxaretada, parvada, bobada.

Lugar de escoita.- Sto. Adrán de Cobres (Vilaboa do Morrazo).

Fonte.- Sé Anxo Rosales González.

Paxaratada/ paxaretada.- Parvada, bobada. 

Exemplos: “Iso son paxaratadas”, “Todo son paxaretadas baratas”.

Lugar de escoita.- San Martiño (Vilaboa do Morrazo).

Fonte.- Sé Anxo Rosales González.

Recordero.- (1) Discurso longo e aburrido. (2) Amoestación. 

Exemplos: (1) “Non volvo máis ás conferencias dese home, co recordero de hoxe chegoume abondo”. (2) Vaiche caer un bo recordero cando saiban na casa que suspendiches!”

Lugar de escoita.- Burela (Mariña luguesa).

Fonte.- Mario Ferreira.

Outros apuntamentos.- A fonte apunta que vén do latín recorderis, que era como comezaban uns responsos de defuntos.

 

Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.

Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@aelg.org (indicando a palabra, a súa acepción e o lugar en que foi recollida) ou cobre este formulario.



x