Concentración pola lingua na sanidade nun xuízo que se demorou por razóns lingüísticas

Concentración pola lingua na sanidade nun xuízo que se demorou por razóns lingüísticas
mesa
mesa  

Unha concentración, convocada pola Mesa pola Normalización, apoiou no xulgado de Compostela a demanda contra o SERGAS por discriminación lingüística. O xuízo, finalmente, quedou visto para sentenza após un retraso de 30 minutos. 


O Servizo Galego de Saúde adiou a súa operación máis de 16 meses polo feito de solicitar asinar o consentimento informado na nosa lingua e el fai que o xuizo pola súa demanda tamén se adie pola defensa da lingua.

Esta terza feira ía a xuízo despois de presentar unha demanda contra o SERGAS pola dilación inxustificada da intervención mais o xuízo tivo que adiarse por volta de 30 minutos após o avogado da aseguradora do Sergas sinalar que non podería desenvolver o seu traballo en lingua galega. 

O demandante, que estaba alí pola defensa dos seus dereitos lingüísticos, mostrou a súa oposición o que obrigou a adiar a vista até a chegada dun interprete. Finalmente o proceso quedou visto para sentenza. 

Malia os poucos minutos que durou o acto, a sala encheuse das persoas que, na porta protagonizaran a concentración convocada pola Mesa pola Normalización, baixo o lema “Polo dereito a vivirmos en galego”. A concentración estaba convocada ás 9.30 horas diante das portas do Xulgado para apoiar ao paciente que denunciara o retraso na intervención cirúrxica por exixir os seus dereitos lingüísticos. 

Fe de grallas. Este artigo foi editado após a súa publicación. Por erro informábase do adiamento do xuízo que, no entanto, si chegou a se celebrar malia o traso de media hora. O proceso ficou visto para sentenza. 



x