Fene recolle o legado educativo das persoas indianas

Fene recolle o legado educativo das persoas indianas
As actividades estenderanse até mediados de decembro
As actividades estenderanse até mediados de decembro  

Con motivo do centenario das escolas de instrución dos "Naturales de Fene", o concello da comarca de Ferrolterra vai recuperar unha parte fundamental da memoria histórica local que se artellou arredor das escolas fundadas polas persoas emigrantes a principios do século XX.


Unha mostra, un ciclo de conferencias, un concurso de investigación e a xornada Fene Indiano, en que participarán os centros de ensino, son as actividades principais que impulsa o Concello de Fene para conmemorar o centenario das escolas de instrución dos "Naturales de Fene".

Os actos encetarán a próxima sexta feira e estenderase até mediados de decembro co obxectivo de recuperar e difundir a importancia destas escolas emigrantes, como son os grupos escolares Concepción Arenal e Curros Enríquez ou a escola de Limodre. Estes centros, impulsados desde La Habana pola emigración, implicaron un importante adianto educativo no territorio a respeito da metodoloxía, currículos e equipamento docente.

Na programación co gallo do centenario do legado educativo da emigración colaboran a Deputación da Coruña e os centros de ensino do municipio.



x