Compromiso por Galicia presentará no Parlamento un plan de pediatras no rural

Compromiso por Galicia presentará no Parlamento un plan de pediatras no rural
Juan Carlos Piñeiro, secretario xeral de Compromiso por Galicia. Foto: cedida.
Juan Carlos Piñeiro, secretario xeral de Compromiso por Galicia. Foto: cedida.  Foto: Beatriz G. Caneda

Compromiso por Galicia vén denunciando o despoboamento do rural galego como un problema de identidade e recursos. Para intentar mudar esta situación, o partido presentará no Parlamento galego, onde non ten representación, unha iniciativa baseada nun Plan de Implantación Rural de Pediatras.


“Calquera deputado pode adherirse a ela e defendela, senón decaerá”, explica Juan Carlos Piñeiro Docampo, secretario xeral de Compromiso. O plan, estruturado en dous niveis, está encamiñado a cubrir as vacantes nos servizos de pediatría do país e a que a organización destes teña en conta o territorio. “Hai comarcas nas que a xente para ir ao pediatra ten que desprazarse 20 quilómetros”, explica.

 

Para Piñeiro Docampo, esta circunstancia “non fomenta o asentamento poboacional nin a natalidade e pasa en todo o país agás nas áreas metropolitanas. O despoboamento rural é un lastre económico para Galiza posto que quedan zonas produtivas sen atender”.



x