Versos de "A Xustiza pola man" nas camisetas do BNG en conmemoración do 180 aniversario de Rosalía

Versos de "A Xustiza pola man" nas camisetas do BNG en conmemoración do 180 aniversario de Rosalía

Esta sexta feira 24 de febreiro é o 180 aniversario de Rosalía, a grande poeta e símbolo nacional da Galiza. O grupo parlamentar do BNG rendeulle esta terza tributo cunha foto conmemorativa.


Un dos poemas de maior compromiso social de Rosalía, A Xustiza pola Man, foi o texto eleito polas parlamentares do BNG, que vestían camisetas en que se podían ler versos da célebre composición, para homenaxear a autora fundadora da literatura nacional galega.

En comunicado de imprensa, a portavoz nacional do BNG, Ana Pontón, non deixou pasar a oportunidade de reclamar o uso "civil e laico" do Panteón de Galegos Ilustres, en que se acha o sepulcro da poeta, un espazo virtualmente secuestrado pola Igrexa católica.

Pontón ve un "paradoxo" no feito de que sexa a institución que lle negou a "oración" a Rosalía cando os seus restos foron trasladados a Bonaval, en 1891, "a mesma que teña agora as chaves do Panteón que os garda e o dereito de admisión para a homenaxear"



x