Villares discursa perante pouco máis de 200 persoas na clausura do plenario

Villares discursa perante pouco máis de 200 persoas na clausura do plenario
Villares, na clasura do plenario
Villares, na clasura do plenario  

A xornada foi longa e o incumprimento dos horarios, abondo, mais a deserción do sector crítico -fuxida masiva- no discurso de clausura de Villares foi moi rechamante. O líder da confluencia falou para pouco máis de 200 persoas, máis ou menos o continxente que votou a prol do relatorio oficial. Polo Pazo do Congresos non compareceron en ningún momento nen Martiño Noriega, alcalde da cidade en que se realizou o plenario, nen Xulio Ferreiro. O boicote de Podemos Galicia e Esquerda Unida fixo efeito.


A estratexia do sector crítico -proxectar a imaxe dun Villares debilitado e aillado- foi levada até as últimas consecuencias. Nas últimas semanas foi moi elocuente o boicote de actores relevantes da confluencia ao plenario -primeiro Esquerda Unida e despois Podemos Galiza-, como tamén o expresivo silencio dalgúns referentes nas súas redes sociais. O último elo da cadea chegou na clasura do plenario. Ao discurso do portavoz do partido instrumental, Luís Villares, apenas asistiron por volta de 200 persoas, máis menos as que votaron a favor das teses oficiais. Poucos, mais fieis, até o ponto de se ouviren berros de "presidente", "presidente", cando o ex xuíz concluíu o seu discurso.

 

Screen Shot 2017-07-15 at 20.59.33As imaxes servidas pola propia organización através de Youtube mostraron un desalador aspecto da sala de reunións -xa non a principal do Pazo- en que se realizou a sesión de clausura, coa entonación do himno nacional galego a pór o ramo a este plenario.

 

A conclusión é que Villares dispón dunha maioría moi precaria na confluencia nunha asemblea marcada pola moi baixa participación, inferior á de decembro de 2016. Sobre o Pazo de Congresos pairou en todo momento a impresión de que o resultado do plenario tería sido moi distinto de teren pisado o acelerador os distintos componentes dos segmentos opositores ao villarismo.

 

No seu discurso, Villares enfatizou que "non hai nada que xustifique mirar para dentro" e que "hai un país fóra que nos pide contas", unha clara apelación a fuxir do confronto interno e saír á sociedade galego a dar solución aos seus problemas.

 



x