Seguimento total da greve indefinida en Bershka de Pontevedra “para rematar coa discriminación entre traballadoras”

Seguimento total da greve indefinida en Bershka de Pontevedra “para rematar coa discriminación entre traballadoras”
imaxe
imaxe  

A totalidade das traballadoras de Bershka na provincia de Pontevedra secundou a segunda xornada da greve indefinida convocada contra a discriminación laboral na empresa pertencente ao grupo téxtil Inditex. Esta marca ten cinco tendas na provincia: Vigo, Pontevedra e Vilagarcía.

 

CIG-Servizos pide que a patronal acepte negociar as diferentes condicións de traballo existentes entre o persoal das distintas provincias galegas. Algo que afecta a aspectos referentes á xornada laboral, pluses e retribucións, permisos e excedencias, lactancia, vacacións e incapacidade permanente.

 

As traballadoras/es da provincia de Pontevedra pretenden que se lles apliquen as melloras logradas en provincias como a da Coruña, o que permitiría rematar coa discriminación laboral tanto entre as distintas marcas do grupo téxtil (Bershka e Kiddy's Class de Pontevedra foron as únicas que se negaron a pactar as melloras) como entre as empregadas fixas eventuais.



x