“A seguridade dos traballadores de Ferroatlántica non estivo entre as prioridades da empresa"

“A seguridade dos traballadores de Ferroatlántica non estivo entre as prioridades da empresa"
Unha asemblea detraballadores de Ferroatlántica
Unha asemblea detraballadores de Ferroatlántica  

O Comité reclama unha investigación sobre o accidente laboral en Ferroatlántica, que deixa tres persoas feridas.


A deflagración desta terza feira no forno 12 da factoría de Ferroatlántica en Cee provocou feridas a tres traballadores. Non é a primeira vez que este forno é protagonista dun accidente laboral. No 2005 mesmo provocou a morte dun operario.

A empresa anunciou unha investigación para esclarecer o acontecido. O comité reclama que se depuren todas as responsabilidades que puideran derivarse por este sinistro e que se adopten as medidas oportunas para evitar que se repitan situacións similares.

Os representantes dos traballadores explican que reverter a precariedade das medidas de prevención e seguridade laboral nesta empresa constituíu "unha durísima loita" que o persoal tivo que manter ao longo de moitos anos, "pois máis alá da propaganda coa que o Grupo Villar Mir adoita encher os medios, a seguridade e a integridade física dos traballadores e traballadoras de Ferroatlántica non estivo entre as prioridades da empresa".

O comité tamén lamenta que as instalacións de Cee e Dumbría “levan 25 anos sen recibir investimentos para a súa mellora, mantemento e modernización. Unha crítica que o Comité ten trasladado á empresa en numerosas ocasións”.



x