Política
As voces da primeira década do Día da Patria Galega
MEMORIA

As voces da primeira década do Día da Patria Galega

Afirmaba Castelao que o 25 de Xullo era “a festa maior dos galegos”. Unha xornada reivindicativa ideada polas Irmandades da Fala en 1920 e recuperada en 1968 pola Unión do Povo Galego (UPG), quen resgatou a data na denominación e no contido. Contamos co testemuño daquela primeira década de conmemoración do Día da Patria da voz de Bautista Álvarez, Xesús Sanxoás, Saleta Goi, Xosé Estévez, Lois Diéguez, Maite Caramés, Margarita Ledo, Pilar Allegue, Francisco Rodríguez e Vicente Vázquez. Recollémelo no Sermos Galiza 255.

Logramos un cambio de tendencia, imos na boa dirección e non vai ter volta atrás
Ana Pontón chama a unha participación masiva o 25X

"Logramos un cambio de tendencia, imos na boa dirección e non vai ter volta atrás"

O BNG dispón de diferentes dados -inquéritos que apuntan ao ascenso en intención de voto, altas de novas militantes- que confirmarían que nos últimos meses a percepción social sobre esta organización tería mudado en positivo. O BNG tería logrado así un cambio de tendencia. Así llo transmite a portavoz nacional do Bloque, Ana Pontón, á súa militancia nunha comunicación por escrito. Nas vésperas do 25X, a líder nacionalista chama a unha participación masiva e reafirma: "A soberanía é a caixa de ferramentas para construír un país mellor".

Juan Díaz Villoslada estuda seriamente ir ás primarias do PSdeG
Leiceaga baralla tamén candidatarse

Juan Díaz Villoslada estuda seriamente ir ás primarias do PSdeG

O deputado do PSdeG Juan Díaz Villoslada, novo nesta lexislatura no Pazo do Hórreo, baralla concorrer ás primarias do seu partido na Galiza. Competiría con Gonzalo Caballero, quen xa anunciou a súa candidatura. Sermos soubo que Leiceaga, portavoz parlamentar, tamén estuda candidatarse.

Somos a forza política propia deste país
Ana Pontón, portavoz nacional do BNG

"Somos a forza política propia deste país"

Ana Pontón (Sarria, 1977) é a protagonista da entrevista política deste Sermos255, o imediatamente anterior ao Día da Patria Galega. Este 25X irá por segundo ano consecutivo á Praza da Quintana pronunciar o discurso máis importante do ano para unha dirixente do nacionalismo galego. Pontón transmite unha enorme determinación en todo o que fai, a de quen ten moi claro que se hai unha nación sen Estado que necesita unha pasada polo nacionalismo esa é Galiza. Eis un extracto da conversa. 

En Marea únese este 2017 á celebración do Día da Patria
Co lema "A Galicia da xente que queremos"

En Marea únese este 2017 á celebración do Día da Patria

Este 2017 será a primeira vez que En Marea, como tal organización política, vai celebrar o Día da Patria. Farao cun acto en Compostela, na Finca de Vistalegre, baixo o lema "A Galicia da xente que queremos".

En Marea avalía que o seu plenario a converte na alternativa para facer da Galiza un país mellor

En Marea avalía que o seu plenario a converte na alternativa para facer da Galiza un país mellor

Os debates realizados no Pazo de Congresos "non tiveron perdedores e si un claro gañador, a cidadanía galega", enfatiza un Luís Villares que sobreviviu politicamente ao desafío que lle formularon os segmentos críticos, aos que se sumou Beiras -quen, a diferenza dos ausentes Xulio Ferreiro e Martiño Noriega, si estivo no plenario.

Villares discursa perante pouco máis de 200 persoas na clausura do plenario

Villares discursa perante pouco máis de 200 persoas na clausura do plenario

A xornada foi longa e o incumprimento dos horarios, abondo, mais a deserción do sector crítico -fuxida masiva- no discurso de clausura de Villares foi moi rechamante. O líder da confluencia falou para pouco máis de 200 persoas, máis ou menos o continxente que votou a prol do relatorio oficial. Polo Pazo do Congresos non compareceron en ningún momento nen Martiño Noriega, alcalde da cidade en que se realizou o plenario, nen Xulio Ferreiro. O boicote de Podemos Galicia e Esquerda Unida fixo efeito.

Villares salva a portavocía única con 241 apoios fronte a 209 votos críticos

Villares salva a portavocía única con 241 apoios fronte a 209 votos críticos

En Marea continuará a ter un único portavoz orgánico, Luís Villares. Na votación de maior alcance do plenario, a emenda de Recuperar En Marea apenas alcanzou 209 apoios, fronte aos 241 votos que respaldaron a opción do relatorio oficial. Decae, por tanto, a portavocía colexiada, paritaria e rotatoria que defendían Anova, Podemos Galicia, Esquerda Unida e a Marea Atlántica do ausente Xulio Ferreiro.

O plenario de En Marea respalda o relatorio oficial con 253 votos fronte 215

O plenario de En Marea respalda o relatorio oficial con 253 votos fronte 215

O documento político de Recuperar En Marea -emenda á totalidade ao relatorio oficial- foi rexeitado polo plenario ao obter apenas 215 votos face aos 253 sufraxios da maioría villarista. A tónica continúa a ser a baixa participación no plenario (tiñan dereito a participar por volta de 2.400 persoas), inducida por Esquerda Unida e Podemos Galicia, que chamaron ao boicote.

57 por cento apoia o balanzo de xestión do Consello de En Marea
Xulio Ferreiro e Martiño Noriega, ausentes na sesión matutina

57 por cento apoia o balanzo de xestión do Consello de En Marea

425 votos emitidos: 243 a prol da rendición de contas -realizada perante o plenario por Gonzalo Rodríguez-, 162 en contra e 20 abstencións. Os críticos utilizaron como argumento para desgastar o grupo dirixente a escasa asistencia ao conclave en comparación coas citas anteriores (Vigo, xullo de 2016; Compostela, decembro de 2016). Por outro lado, Villares e Beiras brindaron a foto do plenario ao chegaren xuntos ao Pazo de Congresos. Brillaron pola súa ausencia nesta sesión matutina os alcaldes de A Coruña e Compostela, Xulio Ferreiro e Martiño Noriega. Si estivo o de Ferrol, Jorge Suárez.

x