Saltar ao contido
1:42 h. Cuarta feira, 03 de Setembro do 2014

A AELG homenaxea Xela Arias en Sarria

En Vilerma, aldea de Sarria, a AELG tributará unha homenaxe á escritora Xela Arias, unha lembranza máis meses despois de se cumpriren os dez anos do seu pasamento. O acto terá lugar o vindeiro sábado ás 12:00 horas.

Unha noite na que a poesía fala/parla en galego e catalán

“Que falen as linguas / Que parlen les llengües” é o título do encontro literario galego-catalán que se desenvolverá esta cuarta feira ás 20.30 no pub Modus Vivendi en Compostela Traducións éditas e inéditas nas dúas linguas de nomes fundamentais da poesía galega e catalá. 

A CRÍTICA DE CINEMA DAS SEXTAS FEIRAS

Queres saber como se adestra un dragón?

Un filme de animación de calidade, alternativo á factoría Disney, é a proposta do noso crítico de cinema de cabeceira, Andrés Castro, para esta fin de semana. Dirixe Dean DeBlois, que vai camiño de ser un clásico do xénero.

Comeza a Praza dos Libros de Carballo: creatividade galega a pé de rúa

De quinta feira a domingo Carballo acolle unha nova edición desta cita Os libros convivirán a quinta 28 e o domingo 31 coa feira tradicional de produtos da terra. Ademais, as compras levarán de agasallo o libro Os Bolechas en Carballo, e o domingo pola mañá, todas as persoas que merquen un libro serán agasalladas tamén cun Pan de Carballo.

15-A: Día das Galegas nas Letras

17-M? Non, 15-A! Desde este ano, as nosas letras teñen un novo día para conmemorar. Trátase do Día das Galegas nas Letras que inicia a súa andaina cunha festa feminista e colectiva promovida pola plataforma de crítica A Sega e que se desenvolverá no Areal de Berres, A Estrada. 

Xacio Baño leva o cine galego ao festival de Locarno

A curta galega “Ser e voltar” de Xacio Baño entra en concurso no prestixioso Festival de Cinema de Locarno, A obra entrou no palmarés do Festival de Cans. O director volve na súa curta á aldea de Rebordelos a explicarlle aos avós o oficio ao que se dedica.

Unha novela, música e festa porque... “Estamos no verán”

Toca o timbre por última vez. As aulas péchanse. Chegan as vacacións, tempo de mudar as ilusións en realidade, por exemplo, creando un grupo musical. Novela, CD e espectáculo é este Estamos no verá (Galaxia) que asinan o músico Xoán Curiel e a escritora Charo Pita que se presenta esta quinta feira na Semana da Música Infantil da Feira do Libro da Coruña. 

Davide Salvado: “Son un produto da tradición”

Davide Salvado é unha explosión musical que non pasou desapercibida ao xurado que selecciona as propostas para Womex. En vinte anos, é o segundo galego en participar na selección oficial, despois de Mercedes Peón. Defínese visceral, salvaxe e tradicional. 

CRONICA DE XURXO SOUTO DESDE PARDIÑAS

1994/2014 , XX anos de Bravú

Desde Pardiñas, un dos festivais "bravús" do país, Xurxo Souto envíanos a súa crónica do nacemento do Bravú, hai xa vinte anos nunha taberna da aldea de Viana, en Chantada. Souto, un dos protagonistas, lembra aquela noite memorábel. 

Máis de 1,5 millóns de euros para festexar a "austeridade" de San Francisco

On the road é o título da exposición comisariada por Gloria Moure e producida polo departamento de Turismo para conmemorar os 800 anos da peregrinaxe de San Francisco a Compostela. Só as partidas de produción publicadas no diario oficial ascenden a 800.000 euros, aos que hai que sumar outras non publicadas e a reforma do Pazo Arcebispal para albergar a mostra que superou os 600.000 orzamentados. 

A Consellaría de Cultura rexeita a cesión da maior colección etnográfica galega

A Consellería de Cultura rexeita facerse cargo da maior colección de etnografía galega que fica desafiuzada no concello leonés de Alija del Infantado. A familia Eiriz, herdeira do coleccionista, lamenta que Anxo Lourenzo comunicara agora a negativa despois de que hai tres meses se comprometera a traer as máis de 12.000 pezas para Galiza. 

Monterrei abraza o seu castelo

O abrazo será ás 19.30 horas mais durante todo o día unha romaría popular celebrará o Castelo de Monterrei, o grande monumento que a veciñanza quere conservar para uso público. A Plataforma de Defensa do castelo de Monterrei denuncia que varias pezas de arte están saíndo de distintas instancias do edificio. 

O Concello de Pontevedra ve "inoportuna" a escolla de Filgueira para o Día das Letras

O Concello de Pontevedra, do que Filgueira Valverde foi alcalde, non ve conveniente que o Día das Letras Galegas homenaxee un perfil como o escollido o pasado sábado pola Academia. Consideran “profundamente inoportuna” a decisión de dedicar a comemoración a Filgueira Valverde.

Música no Valadouro para unha homenaxe colectiva a Miro Casabella

“Ceibar a Voz” é o título do concerto que se desenvolverá o vindeiro sábado 5 de xullo na praza de Santamaría do Valadouro en homenaxe ao músico Miro Casabella. A Quenlla, Arcadio, Bieito Romero, de Luar na Lubre, David Bellas, García e Leo, Quintas Canella, Tino Baz, e Pilocha participarán no acto organizado por varios colectivos culturais. 

Crítica de cinema: 'A gaiola dourada'

 Fai trinta anos que Maria (Rita Blanco) e Jose (Joaquim de Almeida) emigraron de Portugal a unha pequena portería dun barrio parisiense. Son moi apreciados no barrio ata que un día teñen a ocasión de volver ao seu país a raíz dunha suntuosa herdanza.

Pontevedra ponse poética

En distintos espazos da cidade, a poesía invade de 277 a 29 de xuño as beiras do Lérez con recitais, obradoiros e espectáculos. Pontevedra ponse poética por cuarta vez co festival dirixido por Yolanda Castaño. 

O Torques de Burela regresa ao Museo de Lugo

A enredada historia da colección artística de Álvaro Gil chega a un episodio que ten toda traza de ser final. O departamento de Cultura da Deputación vén de mercar aos seus herdeiros 40 das pezas de ourivería por un importe de 2.346.000 euros, entre eles, o Torques de burela

Arrinca con novidades un novo Culturgal

Os días 5, 6 e 7 de decembro desenvolverase unha nova edición do Culturgal en Pontevedra. O novo presidente, Manuel Bragado, aposta por ampliar o “perímetro” dunha feira que, por vez primeira cobrará entrada, con prezos reducidos, co público como partícipe da organización. 

A outra selección do Brasil

Xogaron en Maracaná hai agora trinta anos. Cunha selección composta, entre outros, por Chico Buarque, Jorge Ben ou Toquinho, Brasil só podía saír a gañar. O álbum da xornada atópase nos acervos dixitais do Instituto Antonio Carlos Jobim, un tesouro da música brasileira.

Antón Lopo chega con “Lampíricos” a Lugo

O creador Antón Lopo achega co seu espectáculo Lampíricos á cripta da Deputación de Lugo esta quinta feira día 5 e a sexta día 6 de xuño ás 21 horas. A luz, o corpo, a imaxe, a poesía e a música entran no xogo da arte total na última proposta do escritor e artista. 

O Novo Cinema Galego regresa a Bilbo

O BilbaoArte acolle por segundo ano consecutivo as Xornadas do Novo Cinema Galego que se desenvolverán da segunda feira día 9 á cuarta día 11. Coordinadas polo crítico e produtor Martin Pawley levará ao centro dependente do Concello de Bilbao algunhas das novas producións de cinema galego. 

Crítica de cinema: The Lunchbox

The Lunchbox ou Dabba é a proposta que nos achega para esta fin de semana o noso crítico de cinema, Andrés Castro. Un filme para cabilar sobre unha pequena caixa de comida através da cal o director afonda na realidade social e laboral da India.

Festival poético para pechar maio no Morrazo

Literatura e música pechan maio na terceira edición do Festival Poético do Morrazo Letras Galegas 2014 que organiza a Asociación Cultural para o Debate Ricardo Gómez Buceta. Marta Dacosta, Mª Carme Caramés, Tino Baz ou Mónica Camaño son algúns dos nomes do programa. 

Os Chévere volven ao instituto

Ao IES de Cacheiras, no concello de Teo do que son compañía residente, volveu a compañía Chévere para participar da rodaxe do filme “Persoas”, unha curtametraxe que fan en parcería co alumnado do IES. Estréase esta segunda feira na Ramallosa. 

Xacio Baño triunfa en Cans cun novo regreso a súa orixe en Rebordelos

O cineasta volve a Rebordelos a explicarlle aos avós a que se dedica. Con Ser e voltar o director Xacio Baño consegue o premio do xurado do Festival de Cans á mellor curtametraxe de imaxe real. Un dos nomes chaves do novo cinema galego consigue o triunfo de Cans cunha intensa curtametraxe na que enfronta os seus dous mundos, o do audiovisual no que se move e o da aldea do que procede. Moi na filosofía de Cans. 

Os monicreques invaden Redondela

As marionetas ocupan espazos culturais, rúas e prazas da vila dos acuedutos. O Festival Internacional de Títeres de Redondela celebra a súa XV edición e iso nótase en cada un dos seus recunchos. 

A "Peonza" xira arredor de Agustín Fernández Paz

A revista “Peonza, de Cantabria, publica un número especial dedicado ao escritor Agustín Fernández Paz que se presentará en Compostela o 27 de maio. Ademais do propio escritor estarán  Xabier P. DoCampo, Xavier Senín, Isabel Soto, María Jesús Fernández, Martin Pawley e Miguelanxo Prado, colaboradores da publicación. 

Dez, cen, mil veces Díaz Castro

O crítico literario de Sermos Galiza achéganos ás novidades editoriais publicadas arredor da figura de X. M. Díaz Castro, o poeta ao que se lle dedica o Día das Letras Galegas. Desde a reedición da súa obra cumio, Nimbos, até a publicación da obra completa, biografías ou mostras do seu labor como tradutor. 

Maniac: ver a realidade cos ollos do protagonista

Filme de xénero e exercicio de estilo técnico notábel, cunha lección de como encadear planos secuencia e facer un emprego do plano subxectivo (vemos polos ollos do protagonista). Todo iso está en Maniac, a escolla desta fin de semana do noso crítico Andrés Castro.

María Bouzas: “Prefiro as flores e os chimpíns de Cans ás alfombras vermellas”

A actriz María Bouzas recollerá a próxima sexta fera en Cans o premio Pedigree pola súa “rigorosidade profesional e sólida carreira”. A súa pegada quedará de maneira permanente no Torreiro das Estrelas, ese espazo de privilexio para os nomes máis relevantes do audiovisual. María Bouzas móstrase encantada coa homenaxe que vén dun festival de aldea que ela defende con paixón. A actriz, cunha longa traxectoria en teatro, cine e series televisivas, leva xa tres anos pasando boa parte do seu tempo en Madrid, na rodaxe da serie “El secreto del Puente Viejo”. 

“Pan e libro, produtos básicos”

Libros con pan de agasallo, porque os dous son produtos básicos. Esa é o lema co que Editores de Compostela ofertan os seus libros no Día das Letras Galegas. Cada compra de 10€ levará un pan de agasallo. 

Guitiriz institucionalizará o Día da Poesía após o Ano Díaz Castro

O concello de Guitiriz prepárase para o seu fin de semana grande. O Día das Letras Galegas fará deste concello de Lugo no que naceu Díaz Castro a capital cultural de Galiza e tanto o 17 como o 18 actos institucionais e festas literarias e musicais ocuparán distintos espazos da localidade. A partir deste ano, institucionalizarase o Día da Poesía. 

A Roda presenta o seu primeiro traballo sen Fito

“Outra volta de Roda” é o novo traballo do grupo A Roda que ese presentará o 17 de maio en Vigo. Será o primeiro disco sen o seu cantante, Fito.  Najla Shami, Emilio Rúa, Sés, Luís Iglesia, Luís Vaamonde, Miguel Costas, Pancho Álvarez colaboran no disco. 

O Couto, a aldea que ten as festas polas letras

O Couto, un ano máis, é un dos centros do Día das Letras Galegas. A través do movemento asociativo local artéllase o “Festiletras”, unha singular proposta cultural na que se gaban dunha “aldea que soña ser país”. O escritor Xosé Neira Vilas deu saída á festa. 

Crítica de Cinema: "Rompeneves", para amantes da ciencia-ficción

Nun futuro próximo un falido experimento contra o quentamento global provoca unha glaciación extrema que destrúe a vida no planeta. Só quedaron con vida os pasaxeiros do Snowpiercer, un xigantesco tren que viaxa arredor dun mundo grazas a un enxeño tecnolóxico de “motor eterno” obra do visionario Wilford, que agora lidera o tren a través dunha sistemática sociedade de clases.

"Os Diplomáticos representaban todo o que odiaba Paco Vázquez"

Non temos medo non é un slogan electoral agora que estamos en campaña. Mais ben podía selo. É o título da biografía oral que o xornalista Rodri Suárez fixo da mítica banda bravú Os Diplomáticos de Monte Alto. Un libro que está desde esta sexta feira na rúa e que se presentará na Sala Mardi Grass, na Coruña, o 28 de maio.

Rosalía séntese aCadaCanto en Compostela

Guadi Galego, Xabier Díaz, Guillerme Fernández e Xosé Lois Romero son aCadaCanto, as catro beiras dunha agrupación que sorprendeu coa súa nova visión sonora de Rosalía. En “A Rosa d´Adina” achéganse a seis poemas da autora que esta sexta feira se sentirán no Salón Teatro de Compostela.

O Festival de Cans conmemora vinte anos de Bravú con agroglamour

Agroglamour, pedigree, música e cine. Son as catro palabras chave que abren galpóns e galiñeiros en Cans, a aldea que do 21 ao 24 de maio se revolucionará coa undécima edición do festival de cine máis peculiar que trae moitas novidades, entre elas, a conmemoración de 20 anos do bravú, o movemento de rock co que naceu nunha taberna de Chantada. 

Emigrantes Retornad@s castigarán o PP nas eleccións europeas

A Coordinadora Nacional Galega de Emigrantes Retornados castigará ao PP nas urnas nas vindeiras eleccións europeas. A entidade comunicarallo ao presidente da Xunta, nunha carta que entregarán esta terza feira no rexistro do Parlamento Galego. Dirixiranse tamén a todos os grupos parlamentarios para reclamar solucións urxentes. 

Emigrantes Retornad@s castigarán o PP nas eleccións europeas

A Coordinadora Nacional Galega de Emigrantes Retornados castigará ao PP nas urnas nas vindeiras eleccións europeas. A entidade comunicarallo ao presidente da Xunta, nunha carta que entregarán esta terza feira no rexistro do Parlamento Galego. Dirixiranse tamén a todos os grupos parlamentarios para reclamar solucións urxentes. 

A literatura homenaxea o teatro na entrega dos premios da AELG

O literatura sube a escena para se atopar co teatro na entrega dos premios anuais da Asociación de Escritores en Lingua Galega. Desde todos os ámbitos, as artes escenas foron as protagonistas dunha cerimonia de entrega que se desenvolveu en Pontevedra e confirmou os libros A lúa da colleita de Anxos Sumai e Raíz de fenda, de Berta Dávila como os máis premiados en narrativa e poesía do ano. 

Os sotaques da lusofonía sentiranse no Festival “Ponte na... escena”

Como un novo encontro na lusofonía, “Ponte na... escena” xunta dos días 8 ao 11 de maio no Val Miñor compañías de Portugal, Galiza e Brasil. O festival de teatro, que nace da man do proxecto “Ponte nas ondas”, inicia a súa segunda edición con vontade de se establecer como espazo estábel para a xuntanza de compañías que comparten unha lingua común con diversos sotaques. 

Unha antiga ferraxería acolle a exposición “elas som eu”

Unha antiga ferraxería convértese nunha sala de exposicións que acolle agora a mostra “elas som eu”, dentro da edición feminista do Festival das Brétemas. O traballo colectivo explica como o espazo abandonado onde antes se vendían cravos,martelos ou parafusos é agora un centro cultural autoxestionado. 

Carlos Blanco conta historias, Luís Davila debuxa

“Menú do Día” é un espectáculo singular. Os ingredientes son as historias ao vivo de Carlos Blanco debuxadas no escenario por Luís Davila. Unha proposta que recala no Teatro Colón da Coruña e que logo visitará Monforte, Pontevedra ou Santiago. 

"Traballo de chineses", a curta gañadora que nace nunha Escola de Idiomas

Non é habitual que unha Escola Oficial de Idiomas bote a andar un concurso de curtametraxes. Tampouco que se presenten ducias de traballos que teñen como obxectivo a posta en valor da lingua galega. “Traballo de chineses” é a gañadora do IV Festiva CinEOI Coruña Curtas e proxéctase esta cuarta feira na Escola Oficial de Idiomas de Santiago, onde estuda o equipo que a realizou. 

Os libros saboréanse en Carballo

Do 5 ao 9 de maio, o Pazo da Cultura de Carballo ábrese para acoller a novena edición da Semana do Libro e a Lectura que ten como lema “Cociñando contos”. Máis de 2.500 nen@s achegaranse estes días aos libros e o goce de ler.

Éxito de "Les coses grans" e "Entre pipas" nos premios Carballo Interplay

O Carballo Interplay converteu á vila bergantiñá en referente audiovisual no ámbito estatal, nun primeiro festival de webseries onde a obra catalá arrasou gañando tres galardóns (mellor webserie de imaxe real, mellor interpretación feminina para Mar de Ulldemolins e o premio do público). 'Entre pipas' foi a segunda mellor recoñecida polo xurado.

Anxos Sumai e Berta Dávila, Premios da Crítica en narrativa e poesía

Son dúas das autoras máis premiadas nos últimos meses. A lúa da colleita (Galaxia) de Anxos Sumai fixérase co García Barros. Raíz de fenda (Xerais) valeulle a Berta Dávila o Johán Carballeira e foi parte do recoñecemento que recibiu como mellor autora nos Anxel Casal da AGE. As dúas escritoras son agora galardoadas cos Premios da Crítica, Sumai en narrativa e Dávila en poesía. 

Eli Ríos recolle en Fornelos o premio Lueiro Rey nun acto de homenaxe ao escritor

Eli Ríos, Silvia Penas e Elvira Riveiro recitarán os seus poemas en Fornelos de Montes nunha nova homenaxe ao escritor Lueiro Rey no acto de entrega da segunda edición do premio de poesía que leva o seu nome. O seu biógrafo Ramón Nicolás, o amigo e presidente da RAG, Xesús Alonso Montero e a secretaria da AELG, Mercedes Queixas participarán no acto este domingo día 27. 

“"O País dos Ananos" conmemora vinte anos da crítica, irreverencia e humor das Ultranoites”

Actriz e produtora , Patricia de Lorenzo achéganos ao novo espectáculo da compañía Chévere, a “Ultranoite no País dos Ananos” que presentan como “un cabaré nihilista sobre a Galiza actual”. Os días 25, 26 e 30 de abril e 1, 2, 3, 9 e 10 de maio en Teo, o público poderá asistir a esta visión satírica, humorística e crítica da actualidade que conmemora  vinte anos de Ultranoites. 

De contos polas tabernas de Carballo

"Contos de taberna" promociona a hostalería carballesa con escritores/as como Xurxo Borrazás, Rosalía Fernández Rial, María Canosa, Paco Souto, Henrique Mariño ou Mercedes Queixas. Se as tabernas falaran, canto nos terían que contar… Pois en Carballo conseguiron que falasen. 

A poesía salvaxe regresa a Ferrol

A poesía salvaxe encherá rúas, prazas e espazos públicos de Ferrol dos días 24 ao 26 de abril. Por sétima edición, a poesía e música máis irreverente será a protagonista de “corenta e oito horas coa palabra encarnada nos dentes”. O Leo, Estevo Creus, Olalla Coriña ou María Lado e Lucía Aldao son algúns dos nomes do programa. 

Xabier P. Docampo e Paula Carballeira participan na Ludoferia de LIX de Valparaíso

O obradoiro “O vento que nos trae as palabras” será unha das actividades coas que o escritor Xabier P. Docampo participa na Ludoferia Internacional de Literatura Infantil e Xuvenil de Valparaíso. A presenza de Xabier P. Docampo súmase á da contadora Paula Carballeira que entra no programa do “Encontro Internacional de contadores de historias”. O festival terá lugar do 23 ao 26 de abril. 

A Semana de Filosofía reflexionará sobre a Revolución

Dos días 21 ao 25 de abril en Pontevedra pensarase na revolución. Será na XXXI Semana Galega de Filosofía, organizada pola Aula Castelao de Filosofía que convidou a intelectuais como Terry Eagleton, Domenico Losurdo, Alba Nogueira ou Frank Mintz  para debater sobre as posibilidades da revolución nos nosos tempos. 

Lugo envórcase co chairego Díaz Castro

A xeografía de Lugo está inscrita na biografía de Díaz Castro e, por esa razón, a Deputación envórcase nestes ano no que ese lle dedica o Día das Letras Galegas na conmemoración do poeta chairego. A publicación da obra completa, audiovisuais e outras iniciativas en colaboración con diversas entidades son algunhas das actuacións. 

O “discutido” premio de Piti Sanz

Un dos momentos máis singulares da gala dos Premios Mestre Mateo da Academia Galega do Audiovisual foi o acto de entrega do premio ao mellor videoclip ao músico Piti Sanz. “Eu non fago videoclips, eu fago cancións e como quero colgalas en youtube fago fotos con teléfono e roubo imaxes de internet”, dixo o músico e abriu a caixa dos tronos. 

“Lampíricos” de Antón Lopo estréase en Tánxer

“Lampíricos”, de Anton Lopo, volve, dalgunha maneira, ás súas orixes. Se os textos da proposta performática do creador naceran dunha estadía en Essaouira, apegados á experiencia do sufismo marroquí agora é Tánxer quen acolle a súa estrea. Andalucía será o seu próximo destino na singular viaxe do espectáculo que tivo a súa estrea na Estrada. 

Pedrón de Ouro para o Museo do Pobo Galego

O padroado da Fundación Pedrón de Ouro concede ao Museo do Pobo galego o seu recoñecemento anual na edición na que se fai 50 anos da creación dos galardóns. O Pedrón de honra irá para a arqueóloga portuguesa Teresa Soeiro. 

Pedrón de Ouro para o Museo do Pobo Galego

O padroado da Fundación Pedrón de Ouro concede ao Museo do Pobo galego o seu recoñecemento anual na edición na que se fai 50 anos da creación dos galardóns. O Pedrón de honra irá para a arqueóloga portuguesa Teresa Soeiro. 

“Somos xente honrada” imponse nos Mestre Mateo máis reivindicativos

“Non é un sector estratéxico, é un sector que se está estragando”, dixo Miguel de Lira ao recoller o premio ao mellor actor por “Somos xente honrada”, un dos seis galardóns que convertería o filme dirixido por Alejandro Marzoa no triunfador da noite dos Mestre Mateo. A  reivindicación dun cambio de rumbo nas políticas para o audiovisual tamén se impuxo na gala. 

Crítica de Cinema: "Oito apelidos vascos", o fenómeno da tempada

É sen dúbida o fenómeno da tempada. Unha película que tras estar 1 mes na carteleira estivo desde o principio por riba das grandes estreas, tanto da segunda parte do “Capitán América”, que tivo unha campaña de marketing bestial, como das esperadas “Noé” e “Río 2”, colocándose xa no número 11 do Top-15 da recadación internacional. Sorprendente.

As “Fábulas Reais” de Paula Rego expóñense no MAC da Coruña

Máis de medio cento de obras de Paula Rego, un das nomes máis relevantes da pintura contemporánea, expóñense no Museo de Arte Contemporáneo Gas Natural Fenosa (MAC) da Coruña. Pintura figurativa, por veces fantástica e onírica e por veces crítica e dramática que nos achega á gran creadora á obra da grande creadora portuguesa. 

Sae á luz a crónica de viaxes que Emilia Pardo Bazán nunca publicou

Desde Ourense saía Emilia Pardo Bazán coa súa familia o primeiro día de xaneiro de 1873 con destino a Xenebra. Con pouco máis de 21 anos, a escritora elaborou o diario dunha viaxe que duraría cinco meses e que nunca publicaría. A Universidade de Santiago disponibiliza a súa crónica na rede, o que sería o primeiro libro da autora.  

Arrinca o Culturgal 2014 con Manuel Bragado como presidente

O editor e presidente da Asociación Galega de Editores, Manuel Bragado é o novo presidente de Culturgal, a Feira das Industrias culturais que se celebrará do 5 ao 7 de decembro.Entrada a baixo prezo,  espazo para a gastronomía, novos patrocinios e máis actividades para profesionais serán algunhas das novidades. 

Aurora Marco, Republicana de Honra 2014

A Comisión para a Recuperación da Memoria Histórica da Coruña decidiu recoñecer á investigadora Aurora Marco como Republicana de Honra 2014 polo seu traballo na recuperación da historia das guerrilleiras e das mulleres que padeceron da represión franquista. 

“Brétemas” lanza un premio para os escaparates que promovan o libro galego

O “Premio Brétemas 2014 ao mellor escaparate do libro galego do ano” recoñecerá o esforzo das librarías na promoción da produción editorial galega. O editor e presidente da AGE, Manuel Bragado lanza desde o seu blog “Brétemas” unha serie para recoñecer o papel do escaparatismo na promoción do libro galego e un concurso para premiar ao mellor do ano.

Pontevedra, capital galega no Día do Libro Infantil e Xuvenil

Neste 2 de abril en que en todo o mundo se conmemora o Día do Libro Infantil e Xuvenil achegámonos a Pontevedra, a capital galega da xornada. Alí se desenvolve o Salón do Libro Infantil e Xuvenil que acolleu nas dúas primeiras semanas máis de 21.000 asistentes e cidade é o berce das dúas editoriais que revolucionaron o mundo do álbum ilustrado e a animación. 

Dez anos de Zona de Zanfona en Rianxo

Os días 4, 5 e 6 de abril desenvolverase en Rianxo a décima edición do festival internacional Zona da Zanfona (ZdZ), organizado por aCentral Folque e promovido polo Concello de Rianxo. Cursos, obradoiros, concertos ou unha exposición nun encontro consolidado arredor da zanfona. 

Pontevedra homenaxeará á mestra Ernestina Otero Sestelo

O Concello de Pontevedra renderalle homenaxe no mes de maio a Ernestina Otero Sestelo, profesora da entón Escola Normal que chegou a dirixir con ideas renovadoras antes do golpe militar. O acto de recoñecemento enmarcarase no simposio “Represaliadas e resistentes” que forma parte do dentro do proxecto “A memoria das mulleres”.

Solicitan a declaración de BIC para as salvar catro pontes medievais de Sarria

O proxecto de reurbanización do entorno do río que a Confederación  Hidrográfica Miño-Sil está a executar en Sarria fai perigar as catro pontes medievais da localidade, un conxunto único para o que unha campaña cidadá está a reclamar a declaración de BIC. Denuncian ademais que as obras non están a respectar o entorno de protección do Camiño de Santiago, do que forma parte a Ponte Ribeira. 

Crítica de Cinema: "Nebraska", calidade sen Óscar

Woody Grant (Bruce Dern), un vello con principios de demencia senil, recibe un suposto premio por correo. Pensando que se volveu rico insta ao seu fillo David (Will Forte) a emprender un viaxe para poder cobralo. Tras o receo inicial, a viaxe irá tendendo fortes lazos paterno filiais.

A AELG desvela os nomes d@s finalistas para os seus premios

Vinte e sete obras compiten ás distintas categorías dos premios que cada ano concede a Asociación de Escritoras e Escritores en Lingua Galega que desta volta chegan a súa décimo quinta edición. Entregaranse no Teatro Principal de Pontevedra o próximo 3 de maio, na Gala das Letras. 

A "pulsión" de Xela Arias e Luísa Villalta ao vivo

O número de escritoras e poetas que asistiron á xornada dedicada a Xela Arias e Luísa Villalta organizada pola Comisión de Igualdade do Consello da Cultura Galega, o debate que suscitan as súas obras e a pegada que deixan na nova creación celebran a “pulsión” literaria que manteñen as dúas escritoras. 

O teatro métese nos xulgados con “Dura Lex”

Con asesoramento legal, a compañía Volta e Dálle está a preparar “Dura Lex”, un monólogo que entra no corpo da xustiza para levar ao teatro de maneira corrosiva o actual recorte de dereitos e liberdades. Pepe Penabade sobre o escenario, Carlos Santiago como autor e director e Comba Campoy na dirección, produción e comunicación danlle vida a un espectáculo que recorre ao mecenado social. 

Roi Casal: “Aspiro a que a miña música sexa referencia mundial”

Donos do noso destino é o terceiro traballo da banda de Roi Casal despois de iniciar a súa carreira en solitario en 2008 con Lendas Douradas e continuar con Maxicamente Vello. Esperanza en tempos difíciles é a mensaxe de Roi Casal neste terceiro traballo que toma nome dun poema de Henley que Mandela converteu en lema de vida. “O disco fala diso, do espírito de superación e de que, por moi difíciles que se poñan as cousas compre ser dono do noso destino”, di Casal.

Xaneco Tubío: “A música tradicional ten que estar en todas as festas e romarías”

A Asociación de Gaiteiros Galegos cumpre 25 anos de historia con máis de 800 socios e socias e un amplo abano de actividades e reivindicacións arredor da música tradicional galega. O seu secretario, Xaneco Tubío, relátanos os principais fitos desde a súa constitución formal en 1989 até a actualidade na que máis de vinte mil persoas -en especial mocidade- asiste a aulas dalgunha das disciplinas da música tradicional. Reclama unha maior visibilidade e apoio institucional e a presenza en canta festa e romaría se celebra no país, xa que isto é o seu verdadeiro sentido. 

Critican a “farsa” da Xunta coa exposición “Auga Doce” do Gaiás

A Xunta inaugura esta sexta feira a exposición “Auga Doce”, un proxecto no que se mostrarán 700 obras de 140 institucións arredor dos ríos que para o colectivo “Contramínate” supón “un evento hipócrita e unha provocación para os colectivos que loitan xustamente para salvagarda dos bens naturais moi particularmente da auga”. 

“Escollas electivas” no Día da Poesía nun país de máis de 400 poetas

Máis de 400 poetas en activo teñen identificado Suso Díaz e Maripaz Paz, os promotores do proxecto “As escollas electivas” no que no que foron citad@s 194, boa parte xa con perfil biográfico e obra. Abonda con que alguén entre na rede "escolla" a outr@ poeta para pasar a formar parte da iniciativa. Achegámonos aos versos "elexidos" para conmemorar o Día da Poesía. 

A Xunta cesa a Fernández de Sousa á fronte do padroado do CGAC

A Xunta mantivo como presidente do padroado do CGAC ao que fora presidente de Pescanova, Manuel Fernández de Sousa-Faro, até que foi cesado finalmente no primeiro Consello deste mes de marzo. A Consellaría informara de que de Sousa presentara a dimisión hai quince meses mais só agora fai a súa substitución por Sofía Santos, até agora vicepresidenta. 

Á procura de "Joselín", pioneiro na narración oral

As xeracións de máis idade, da contorna de Vigo principalmente, aínda teñen na memoria os contos de José Rodríguez de Vicente, Joselín. Da súa man chégannos as primeiras gravacións de teatro galego que aCentral Folque publica nun libro-cd paraa recuperación dunha figura á que tamén contribuirá o espectáculo que prepara e dirixe Quico Cadaval. 

A obra de Souto visita a casa de Laxeiro

Nove óleos sobre lenzo de Arturo Souto compoñen a segunda mostra do ciclo “Os renovadores” que se inaugura esta sexta feira 14 de marzo e estará aberta na Fundación Laxeiro en Vigo até o próximo 22 de xuño. 

Eli Ríos: "Interésame que a poesía provoque o pensamento"

Con Anamnese a poeta Eli Ríos vén de gañar a segunda edición do Premio Lueiro Rey de poesía convocado polo concello de Fornelos de Montes e a Asociación de veciños O Cruceiro da Laxe. Despois de títulos como nós escoitando o badalo de Marienplatz (Espiral Maior, 2010) ou o recente Maria (O Figurante, 2013), Eli Ríos achéganos unha poesía que quere provocar preguntas e facer pensar. 

Onde está a tribo? No parque, falando galego

“Onde está a tribo?” esa é a mensaxe que se envía a través de móbil e a resposta pode ser nun parque, dando un paseo, na biblioteca... Un grupo de pais e nais promoven o encontro das crianzas para compartir lecer en galego. A iniciativa naceu en Compostela e agora bota a andar tamén en Eusakal Herria. 

"Vémonos alí, Sés, a “Desaramar”! "

“Quería facer un festival diferente”, di Sés no vídeo de promoción de “Desaramar”, un concerto colectivo que busca romper arames que cercan a liberdade e a xustiza. Mercedes Peón, Carlos Blanco, Luis Tosar, Piti Sanz, Tereixa Novo, Luís Tosar, Leo e Martín Sanjurjo subirán ao escenario  canda ela o día 7 ás 21 horas. 

A casa natal de Carvalho Calero derrúbase após numerosos avisos

A caída de boa parte da casa de Carvalho Calero que ficaba aínda en pé é a crónica dunha morte anunciada. Hai máis de dez anos que diversas entidades e asociacións, entre elas a Fundaçom Artábria, viñan reclamando atención para o inmóbel que se apuntalou nalgunha ocasión mais que ás institucións abandonaron cunha ameaza de derrube que agora se cumpre. 

A AELG homenaxea a Xela Arias

“A procura dos trazos que nos describan” é o título da homenaxe que a Asociación de Escritores e Escritoras en Lingua Galega lle tributará á poeta e tradutora Xela Arias o próximo 11 de marzo en Vigo. 

As editoriais súmanse á febre gastronómica

A gastronomía está na moda e as editoriais entran tamén na cociña. Coleccións especiais, receitarios,  literatura de fogóns... o catálogo aumenta con novos e variados ingredientes. Todo un amplo menú para cociñar con libros a man. A literatura fixo tamén boa maridaxe coa cociña en nomes como Cunqueiro, Helena Villar, Fina Casalderrey ou Rodríguez Baixeras. 

A AELG organiza un recital de coplas de entroido

A Sección de Literatura e Tradición Oral da Asociación de Escritores e Escritoras en Lingua Galega (AELG) organiza o I Recital de Coplas do Entroido en Lugo. Será esta sexta feira e o entroido de Salcedo, parroquia de Pobra de Brollón, o protagonista. 

Picaversos múdanse do pub á Universidade

Poesía ao vivo en espazos públicos, ao abeiro da noite e no encontro das distintas artes. Esa é a filosofía do ciclo poético coordinado por Olalla Cociña e Branca Novoneyra que, de maneira excepcional, organiza a súa nova sesión na Igrexa da Universidade. Son os “Picaversos Franceses”

Voadora comeza a darlle forma a “A Tempestade”

Despois do grande suceso de Tokio 3 e Waltz, a compañía Voadora volve cun novo espectáculo que estrearán en xuño cunha grande aposta, levar aos escenarios A Tempestade de W. Shakespeare, cando se cumpre o 450 aniversario do nacemento do autor. 

As poetas Xela Arias e Luísa Villalta revisitadas dez anos despois

Con poucos meses de diferencia cúmprense dez anos da desaparición inesperada de dúas das poetas máis singulares da  súa xeración. Xela Arias e Luísa Villalta deixaron na memoria unha obra intensa e unha lembranza  viva que agora a Comisión de Igualdade do Consello da Cultura Galega revisita nunha xornada que terá lugar o próximo día 26 de marzo. 

Camilo Franco entrevista visitantes do CGAC

Camilo Franco volve ao xornalismo, desta volta, desde as salas do Centro Galego de Arte Contemporánea (CGAC). Mais non serán artistas as persoas entrevistadas. O xornalista conversará con visitantes para o proxecto de investigación “Queres ser arte contemporánea?”. 

David Barro dirixirá a Fundación Luís Seoane

O crítico, editor e comisario David Barro será o novo director da Fundación Luís Seoane, en substitución da anterior directora, Silvia Longueira, que fora destituída polo padroado hai catro meses. Barro chega á dirección da Seoane despois dun concurso ao que se presentaron 36 candidaturas. 

Unha festa poética para toda a comunidade educativa compartida desde Guitiriz

O 19 de febreiro conmemórase o centenario do poeta Xosé María Díaz Castro e desde o centro educativo que leva seu nome no seu Guitiriz natal poñen ao dispor da comunidade educativa diversos materiais para compartir a festa de aniversario. Profesorado e alumando elaboraron actividades, un documental, propostas de xogos... para convidar a toda a comunidade a celebrar unha xornada poética. 

Que facer coa cultura? A debate en Compostela

Que facer coa cultura? Asociación Galega de Profesionais da Xestión Cultural (AGPXC) convoca un encontro aberto o próximo 25 de febreiro en Compostela para dar resposta aos principais interrogantes arredor dun sector cultural en tempo de crise. 

Terbutalina volven “A muerte”, a por todas e a por ti

En apenas un par de días, o novo disco de Terbutalina rulou pola rede como o seu nome indica, “A Muerte”. A mensaxe da desilusión e a rabia dunha xeración que camiñou os pasos indicados para chegar a ningunha parte canda a diversión e a enerxía que a banda ofrece ao vivo. De novo, como o seu nome indica, as dúas cousas, sempre “A muerte”. 

O retrato para o que Rosalía posou xa pendura na súa casa

Rosalía posou en varias ocasións en Lestrobe para que o seu amigo Brocos fixera un retrato que había de rematar despois da morte da escritora. Agora o óleo pendúrase na Casa-Museo de Padrón, cedido pola Deputación d Coruña canda moblaxe da familia e cinco cadros de Ovidio Murguía. 

Unha mostra lembrará as heroínas de Sálvora en Ribeira

Os seus nomes eran Josefa Parada, Cipriana Oujo, María Fernández e Cipriana Crujeiras, coñecidas tamén como as heroínas de Sálvora.  Sen temer polas súas vidas cun mar embravecido, apañaron unha dorna para rescatar os superviventes dun naufraxio que se saldaría con 213 persoas mortas. Unha exposición lembrará a súa historia en Ribeira, concello que aínda non ten unha rúa dedicada ás salvadoras do mar. 

''Se hai un boneco Nenuco, por que non un que se chame Alburuxe?''

A activista pola lingua Ana Iglesias cose bonecos con palabras galegas que están en desuso, desaparecidas, descoñecidas, agochadas...os 'palabruxos'.  "A maneira de que a riqueza da nosa lingua non se perda é transmitírllela ás crianzas. Quero facerlles chegar todas estas palabras a través dos seus bonecos"

A AELG homenaxea o teatro galego cos seus premios

Será protagonista privilexiado nas actividades deste ano. A Asociación de Escritores e Escritoras en Lingua Galega acordou na súa asemblea xeral homenaxear ao teatro galego cos seus premios, en recoñecemento ao esforzo dos seus protagonistas en tempos tan difíciles para o sector. Xabier P. DoCampo será homenaxeado coa letra E. 

Crítica de cinema: 'August: Osage County'

Os Weston viven nas aforas dun pequeno pobo de Oklahoma. Un tráxico acontecemento fará que a familia se reúna ao completo tras anos sen verse. Após un encontro marcado pola normalidade e tratando de manter as aparencias, pouco a pouco van ir saíndo á luz a verdades máis ocultas de cada membro da familia.

A descoñecida Murguía que homenaxean en Oiartzun

Cada ano, por volta da data do seu nacemento, en Oiartzun homenaxean a Murguía. Non é ao primeiro presidente da Academia Galega e home de Rosalía de Castro. Trátase de Concha, a súa nai, unha vasca que inculcou ao fillo o amor e a defensa da terra. 

Lembranza de Moreda na homenaxe ao Consello da Mocidade do que foi máximo dirixente

Será o sábado 8 de febreiro ás 17:00 horas na Praza do Souto, en San Miguel de Reinante, o lugar no que naceu. BNG e Galiza Nova homenaxean ao Consello da Mocidade no cuarto cabodano da morte de Antón Moreda, o seu Secretario Xeral. Música e a poesía de Xavier Baixeras, poeta ao que Moreda admiraba, amais da presentación do libro e audiovisual arredor do Consello da Mocidade. 

Audiovisual no rural e sen un peso? LAV014

No rural e audiovisual. É a singular combinación do Laboratorio Audiovisual de Vedra (LAV014), unha iniciativa promovida pola Asociación Senunpeso que chega a súa sétima edición cun balance de máis de 1.000 persoas participantes nos cursos. 

O CCG abre as cartas de Luís Seoane

Son 1600 misivas do inmenso epistolario de Luís Seoane as que o Consello da Cultura Galega fai públicas a través do primeiro dos epistolarios publicados na rede. Seguirán no proxecto as cartas de Paz Andrade, Silvio Santiago, Lois Tobío ou Manuel Puente. 

Kalandraka aposta por Sendak, o escritor "de libros bos para nen@s mal@s"

Despois de publicar no inicio de milenio, “Onde viven os monstros”, a editorial Kalandraka completará a triloxía coa tradución de “In the night kitchen” e “Outside over there”, obras que publicará nas cinco linguas peninsulares. Durante o ano, a editorial con sede en Pontevedra publicará unha decena de títulos do autor e ilustrador. 

Jazz e poesía para unha noite de Picaversos

Jazz e poesía son os protagonistas da próxima sesión de Picaversos, o ciclo poético que coordinan as poetas Olalla Cociña e Branca Novoneyra en Compostela. A cantante e actriz María Costas, o contrabaixista Pablo Vidal e o poeta e crítico Juan Carlos Suñén participan no programa da noite. 

GraffitiRosalía, para levar a poeta aos muros

GraffitiRosalía levará os versos de Rosalía aos espazos públicos. É unha das iniciativas coas que a Asociación de Escritores e Escritoras en Lingua Galega (AELG) conmemorará o Día de Rosalía de Castro o vindeiro 24 de febreiro, aniversario do nacemento da autora. 

Encarna Otero: “Temos obriga de darlle a palabra ás mulleres na historia”

A historiadora Encarna Otero ten investigado en numerosas ocasións a historia das mulleres, coñecidas e anónimas, mais agora achegouse a elas acompañada dunha cámara para rexistrar a súa imaxe e a súa voz. O resultado é “A luz do negro”, un documentario que afonda na historia das mulleres na minaría, desde un grupo de testemuñas que traballaron na de wolframio de Fontao. O proxecto está promovido pola Comisión de Igualdade do Consello da Cultura Galega. 

Elena Ferro: “A receita para facer dos zocos un calzado moderno? A paixón polo oficio”

Con Elena Ferro os zocos tornáronse modernos. Filla e neta de zoqueiros, continuou elaborando calzado artesanal de sola de madeira mais pintouno a cores, púxolles pel de cebra, veludo nos cordóns ou pintas de xoaniña e revolucionou o oficio de tres xeracións dos Ferro. Non por iso a familia deixou de facer zocos como os de toda a vida e levalos ás feiras. Di que lle deben un respecto a quen os continúa mercando para ir ao campo no inverno e saír del cos pés enxoitos. 

As estreas máis esperadas do 2014

Como cada ano hai películas que con só escoitar falar delas xa dan gañas de que se estreen. E tamén coma sempre, unhas cumprirán as expectativas e outras defraudarán, pero a priori prestan bastante. Aí vai unha selección de 14 filmes para o 2014:

A Universidade da Coruña afonda na produción editorial durante o franquismo

Representantes do mundo editorial participan no seminario “Cultura galega e edición na Galiza franquista” que se desenvolve este mércores día 22 na Universidade da Coruña, enmarcado no proxecto de investigación dirixido pola profesora Carme Fernández Pérez-Sanjulián que afonda na relevancia das iniciativas editoriais na recuperación da cultura galega. 

Ute Lemper homenaxea a Neruda en Compostela no ciclo Son´14

A cantante alemá Ute Lemper traerá a Compostela a súa homenaxe a Pablo Neruda no marco de Sons´14 nun concerto que terá lugar o día 14 de febreiro. Dorian Wook, Sumrrá, Kepa Junquera, Andrea Motis, Lara Bello, Pablo Seoane Trío, Sondeseu, Roi Casal, Nach, Fanfare Ciocarlia, Amancio Prada e o proxecto CoraSons completan o ciclo. 

As vidas de Xabier Paz

A seguinte conversa é o encontro literario entre dous escritores que son amigos desde hai máis de corenta anos. A publicación de As vidas de Nito (Edicións Xerais) de Xabier Paz é o pretexto para Vítor Vaqueiro afondar con el non só na súa obra, senón tamén na construción do feito literario. Vaqueiro aproveita a ocasión para facer o recoñecemento público de que o pulo de Xabier Paz foi determinante para o inicio da súa traxectoria na escrita. 

O "inédito" de Rosalía xa vira a luz na revista dun instituto

O poema “Dinche o corazón na man” que a Academia deu a coñecer como inédito fora xa publicado en xullo de 2013 na revista do Instituto Virxe do Mar de Noia. O responsábel da publicación é o mesmo investigador que un ano antes publicara unha fotografía como pretensa imaxe inédita da escritora e que finalmente non se correspondía con Rosalía. 

Guiso de fabas con música, poesía e danza

Música, poesía, danza e guiso de faba son os ingredientes da performance que Marina Oural e Ugia Pedreira  levan o sábado 25 de xaneiro á Casa das Crechas de Compostela. “Unha faba, unha vida; as fabas lobas da casa” enmárcase no coñecido como “Le Fooding”, a maridaxe de arte e comida que naceu da man de dous críticos gastronómicos franceses. 

Os manuscritos de Rosalía presentados pola RAG botan luz sobre o posíbel libro “Postrimerías”

Son varios poemas en español e un galego para sumar ao escaso corpus de manuscritos de Rosalía. A Real Academia Galega presentou na súa sede varios documentos con poemas escritos a man da escritora, algúns inéditos, nun acto no que se deitaron novas interpretacións sobre o fin literario da autora que estaría nos seus últimos días a escribir o libro en español “Postrimerías”.

Sondeseu vístese de branco

“Danzas Brancas” é o título do novo traballo de Sondeseu. A Orquestra Folk de Galiza ofrece no seu cuarto disco temas tradicionais canda outros de nova composición, asinados por músicos como Rodrigo Romaní, Anxo Pintos, Xaquín Xesteira ou Xosé Liz. Contou coa colaboración de Kepa Junquera. 

A Academia anuncia a presentación de inéditos de Rosalía de Castro

A Real Academia Galega anuncia a presentación de manuscritos autógrafos con versos descoñecidos de Rosalía de Castro, poemas e fragmentos poéticos. O acto de presentación pública desenvolverase esta quinta feira na sede da rúa Tabernas, coa presenza do presidente da RAG, Xesús Alonso Montero e o da Fundación Rosalía, Anxo Angueira. 

O “Gaiteiro de Lugo” homenaxea a Díaz Castro

O calendario “O Gaiteiro de Lugo” sae de novo á rúa cunha homenaxe ao poeta Xosé Díaz Castro, a quen este ano que recolle as súas páxinas se lle dedica o Día das Letras Galegas. O calendario agrícola que naceu en 1857 continúa a súa andaina da man de Cultura e Turismo da Deputación de Lugo. 

Os María Casares xa teñen propostas

Dúas ducias de espectáculos presentáronse aos premios María Casares, os galardóns que cada ano entrega a Asociación de Actores e Actrices de Galicia que chegan a súa XVIII edición. A condición, estreárense no 2013. 

10 voces para Castelao no seu 64 cabodano

De O Leo e Carlos Negro a Antía Otero ou Anabel Montouto. Un coro de voces diferentes, diversas e disidentes no acto da Fundación Castelao que decorrerá este 7 de xaneiro. O lugar será no Panteón de Galegos Ilustres de Bonaval, en Compostela.

Onde está agora o Torques de Burela?

O BNG pregunta  á Dirección Xeral de Patrimonio se ten localizada a actual ubicación das pezas da colección de Álvaro Gil, que os seus familiares retiraron do Museo de Lugo en outubro, e se está sendo controlado o seu estado de conservación.

A aldea gala goza de boa saúde

“Astérix e os pictos” pasa o exame con boa nota. “Asterólog@s” de todo o mundo agardaban con atención o primeiro libro no que nin Goscinny nin Uderzo eran autores. O resultado convence e mesmo regresa á ampla “troupe” á memoria dos primeiros números, aos Astérix en estado puro. 

O abandono da Xunta fai perigar o futuro de dúas xoias do románico

San Paio de Abeleda esmorece e só O Sorriso de Daniel mira por el. A Asociación leva meses reclamando á Consellaría de Cultura que visite a igrexa románica en estado ruinoso na Ribeira Sacra mais aínda non tiveron resposta. O pazo bispal de Diamondi continúa cos andamios tres anos despois do derrube da fachada na noite do 27 de decembro. 

O lume arrasa o santuario da Barca

Un incendio animado polos fortes ventos arrasaron en arredor de seis horas o santuario da Barca, en Muxía. A destrución é case total do interior e tamén dos teitos, e estase á espera dun informe sobre o estado da estrutura. Un raio sobre un transformador próximo apúntase como causa. 

Seis beléns dos máis singulares que se poden montar

Os beléns son, en principio, reproducións tradicionais dunha escena bíblica mais podemos atopar as máis orixinais composicións: do artístico á protesta, do artesanal ao humorístico. Visitamos seis dos beléns máis singulares do país. Algúns están instalados en casas ateas e outros, irreverentes, en templos oficiais. 

As editoriais apostan polo agasallo duplo para crianzas: libro + cd

O agasallo é duplo mais nun produto único. Libro máis cd. O formato imponse na oferta editorial para estas festas dedicada á cativada. Desde sons tradicionais até propostas innovadoras. Pablo Díaz, Xurxo Souto e Lalo Carnota, Uxía, Xiana e Xosé Lastra, Mamá Cabra, Luís Prego, Suevia Sobral  ou Migallas teñen novidades para ler, escoitar, xogar e bailar. 

Arredor de Carolina Otero

Falamos coa escritora María Xosé Queizán, sobre a protagonista do seu libro O solpor da cupletista (Edicións Xerais). Cando escribín a biografía Carolina Otero (A Nosa Terra, 2001), coñecía este precioso relato da autora viguesa, unha visión diferente desde o feminismo que se achegaba ao solpor e á soidade dunha anciá, nos seus últimos días en Niza. 

Quen matou ao Mariscal Pedro Pardo de Cela?

A figura de Pedro Pardo de Cela aínda está sumida máis nas sombras das dúbidas que na luz da realidade. Aínda queda por explicar cales foron os motivos que levaron ao asasinato de Pardo de Cela. Non tivo xuízo previo, fíxoselle redactar un testamento e foi executado dous días despois, ¿por qué tanta presa?. 

Rosalía, letrista do ano

Se algunha conclusión se pode tirar conta de discos deste 2013 a piques de rematar é que Rosalía se consolida como a maior letrista para a nosa música. Uxía, Tempo Catro, Najla Shami, Naid, Xosé e Xiana Lastra con María Manuela e Mini e Mero, Narf , Joaquín Pixán con Alejandro Zabala e agora A Cada Canto, entre outras propostas,  puxéronlle música aos seus poemas. 

A exposición que busca o catálogo no micromecenazgo

A exposición está aberta no Museu da Imagem de Braga, dentro da programación do Outono Fotográfico. O seu curador, Vítor Nieves, busca agora a través de crowdfunding financiar o catálogo de Don't look at my camera, unha mostra que recolle obra de artistas que traballan con fotografía escenificada. 

Esteirán e Rizo, dous fotógrafos que fixeron da Galiza un estudo

“Un estudo chamado Galiza: A modernidade a través das imaxes” recolle fotografías de Xosé Piñeiro Priegue “Pepe Esteirán” e José Vázquez Arias, “Rizo”, dous fotógrafos que retrataron unha época e o seu acontecer cotiá desde o interior e a costa. A mostra ábrese en Vigo e forma parte do “Outono fotográfico”. 

A poesía une no novo Cantos na Maré arredor de Rosalía

Amancio Prada, Vitor Ramil, Gabriela Mendes, Luiz Caracol e Budiño protagonizan son protagonistas do novo Cantos na Maré que se celebrará o próximo 11 de xaneiro en Pontevedra, dirixido por Uxía e Paulo Borges. A poesía arredor de Rosalía une a artistas que chegan do Bierzo, Brasil, Cabo Verde, Portugal e Galiza. 

O libro estendido que chegou a todo o mundo

Preséntase por todo o país, promove unha obra de teatro, desenvolverá unha ruta polos castros, conta con merchandaising e móvese con axilidade a través da rede. Vento e Chuvia sumou a súa condición de libro estendido ou trasmedia a de ser pioneiro en organizar unha presentación para a emigración. 

A segunda biografía de Ascensión Concheiro

De protagonista dunha novela a autora das súas propias memorias. Ascensión Concheiro, Chonchiña, personaxe principal de O lapis do carpinteiro de Manuel Rivas, escribiu nos últimos anos da súa vida unha autobiografía que foi publicada en México pouco antes da súa morte hai tres meses, como agasallo da filla polo seu centenario.  

Mil anos de Galiza como terra de seu á vista

A represión en Galiza após a conquista dos Reis Católicos rematou co exilio de máis de 1.500 galegos e galegas en Portugal e na Bretaña. Este feito será un dos que se documente na exposición ‘Galiza, nun tempo de seu’, que se inaugura esta quinta feira, 5 de decembro, no Museo Provincial de Lugo.

O cuestionario Proust da literatura galega

É a parte íntima da literatura. O perfil persoal que cada quen retrata de si propio a través de trinta preguntas directas. Despois de achegarnos aos seus manuscritos, o crítico Ramón Nicolás ofrece no seu blog Caderno da Crítica a face interior de escritores e escritoras que responden ao seu particular “cuestionario Proust”. 

Culturgal, a feira da imaxinación

Se Culturgal é escaparate e observatorio da situación das industrias culturais, despois da edición deste ano poderíamos concluír que o público respalda á cultura galega, que o soporte institucional descende de maneira radical, mais tamén que a imaxinación é a fórmula á que moitas iniciativas se acollen para salvar a crise. 

O Culturgal aposta na corresponsabilidade

Máis de 150 actividades e máis de sesenta stands son as cifras globais do Culturgal, a Feira das Industrias Culturais que abre hoxe, sexta feira, en Pontevedra. A nova edición da feira defínese como da “corresponsabilidade” e como unha das novidades, despois do recorte orzamentario, inclúe unha entrada voluntaria. 

"Pan de millo", a música saída do forno de "Migallas"

Pan de millo (Kalandraka) naceu devagar e a lume morno, como o bo pan do que non queda nin as migallas. Co arrecendo inconfundíbel da panadaría pontevedresa de María Campos e Carlos Yus, Migallas, sae do forno agora o videoclip dun dun dos temas no que participa o alumnado do EEI de Verducido, en Pontevedra .

 

Un dragón bota lume na rede

Unha “Dragalpedia” e unha “Topoteca” son os primeiros chanzos do Proxecto Dragal, a expansión da historia do dragón creada pola escritora Elena Gallego Abad á rede. Unha serie televisivas e un cómic serán os posteriores pasos dun proxecto didáctico no que están a colaborar máis de 500 mozos e mozas e 40 ensinantes e que ten como obxectivo darlle vida ao patrimonio inmaterial esquecido. 

Poetas convidan nunhas xornadas a levar os versos ás aulas

Poetas como Xosé Mª Álvarez Cáccamo, Dores Tembrás, Fran Alonso, Antonio García Teijeiro., Carlos Negro ou Antía Otero son algúns dos nomes que integran o programa da xornada “Versos pintados no pupitre” que terá lugar os días 13 e 14 de decembro organizada pola AELG e a AS-PG. O obxectivo, animar a ensinantes para que a poesía chegue ás aulas. 

Vari Caramés visita o Pasatempo coa súa cámara

O fotógrafo Vari Caramés retrata o parque do Pasatempo de Betanzos nun traballo que expón na galería Trinta de Santiago. O obxectivo de Caramés fica prendado co pasado, a maxia, a imaxinación e a melancolía do espazo ideado polos irmáns Naveira. 

A mexicana Elena Poniatowska gaña o Premio Cervantes

A escritora mexicana Elena Poniatowska é a nova gañadora do Premio Cervantes. A autora de obras como Tinísima ou Las sieta cabritas recibiu en 2009 o recoñecemento como Escritora Galega Universal pola AELG. A súa obra A filla do filósofo (Galaxia) chegou ao galego da man dun grupo de escritores e escritoras, Lilus Kikus, o seu primeiro libro, foi traducido pola escritora Teresa Moure (Trifolium) 

“Morriña”, a película que fixo feliz á actriz arxentina Esther Goris

“Hoxe foi a noite máis feliz da miña vida na profesión”, dixo actriz arxentina, filla de galegos, Esther Goris despois da estrea esta segunda feira no 28 Festival Internacional de Cine de Mar de Plata do seu primeiro filme como directora. En “Morriña. Nostalgia de la tierra natal”, un dos nomes máis recoñecidos das artes escénicas na Arxentina atópase coa súa condición de filla da emigración galega. 

A AELG xa prepara o Día de Rosalía

Agasallar cun libro e unha flor no Día de Rosalía. A Asociación de Escritores e Escritoras en Lingua Galega comeza xa a preparar a conmemoración do 24 de febreiro, data do nacemento da poeta, e quere que asociacións, concellos e demais entidades se impliquen nunha xornada de festa para as nosas letras. 

About Time: unha viaxe no tempo

Unha comedia british, coral, con bons momentos de guión e interpretacións estimábeis. Algo lastrada, iso si, por certa mensaxe machista e tradicionalista. É sexta feira? É. Ergo, aquí está a crítica de Andrés Castro.

O risco das coleccións das Caixas urxe iniciativas políticas e sociais

Diante do risco de perda das coleccións artísticas das Caixas, o BNG presentou no parlamento unha iniciativa encamiñada a impedir a venda e a súa saída do país, alén de unificar os dous expedientes. Galiza Cultura está a recoller sinaturas nunha campaña “pola titularidade pública e o goce universal do patrimonio artístico das antigas Caixas de Aforro Galegas”.

O Salón do Libro gaña o primeiro Premio do Público Culturgal

A votación pechábase ás 00 horas desta sexta feira, momento no que o resultado daba como iniciativa gañadora da primeira edición do Premio do Público Culturgal ao Salón do Libro Infantil e Xuvenil de Pontevedra. Impúxose na votación popular ao Festival de Cans, que quedou en segundo posto, e a PuntoGal, en terceiro lugar. 

Xornadas de expresión oral cara un novo “Tíralle da lingua”

Serán o próximo día 16 de novembro e preséntanse como o anticipo acaído para a celebración dun novo “Tíralle da Lingua”, organizado pola Asociación Socio-Pedagóxica Galega. Falar a través do podcast, contar historias, achegarse a lingua pola escrita literaria ou a música e o teatro como ferramentas da expresión son algúns dos temas que compoñen o programa. 

Un feixe de libros para coñecer e cociñar cogomelos

A afección de ir ao monte por eles aumenta ano a ano. Agroman por toda parte e cada vez están máis na moda. Procuramos un feixe de libros para coñecelos e cociñalos. Estamos no tempo dos cogomelos. Tres con receitas e dúas guías, unha biblioteca esencial para se achegar aos froitos do monte. 

O mosteiro de Albeos non ten quen o merque

No noso país hai un mosteiro románico á venda e non hai quen o merque, en ruínas e non hai quen lle poña freo ao deterioro.  O mosteiro de Albeos está á venda por 300.000 desde hai máis de un ano na máis singular das ofertas inmobiliarias. 

Viaxe a través de Albert Camus arredor do seu centenario

Esta semana falouse do centenario de Albert Camus, a súa imaxe apareceu nas páxinas de moitos xornais, os seus textos lembráronse en noticiarios, léronse nos bos e mellores programas de cultura de radio do mundo, mesmo tiveron audiencia nalgún espazo das emisoras de televisión... 

Stop motion para animar o Museo

Stop motion dixital no Museo do Pobo Galego. A proposta pode sorprender mais así é, unha das novas iniciativas do dinámico departamento de actividades do centro que ten sede en San Domingos de Bonaval. 

Ignacio Vilar: “O idioma é fundamental para transmitir a grandeza de "A Esmorga" no cine”

A semana que vén comezará a rodaxe de A Esmorga, a nova película de Ignacio Vilar. Despois de Pradolongo e Vilamor, Vilar enfróntase ao reto de levar ao cine a novela de Blanco Amor na que experimentará unha “nova maneira de contar”. Rodará na nosa lingua, como as anteriores películas, a única posibilidade que el entende para transmitir a grandeza da novela e para seguir a construír cinema galego. 

O cine que foi e será nos 190 filmes de Cineuropa

Vintedous días de cine, cento noventa películas, vintesete edicións. O Festival Cineuropa bota a andar en Compostela coa maior oferta de cinema anual na Galiza. Nesta edición, José Sacristán, María de Medeiros e Albert Serra recibirán o recoñecemento do festival. 

As novidades da cultura danse cita en Culturgal

Culturgal xa ten programa e nel presentaranse boa parte das novidades culturais do remate do ano. Discos de Caxade, Mónica de Nut e o Galiza de Kepa Junkera. Proxectos como CoraSons de Kalandraka ou Toc Toc de Galaxia ou unha morea de libros, algúns premiados, saídos do trinque comezarán a circular en Pontevedra. 

Dez anos sen Xela Arias

Os seus poemarios circulan hoxe de man en man, ás veces en exemplares fotocopiados, hai quen aínda consegue dar con algún en librerías de vello, todos, agardan unha reedición. Unha autora que xa cumpre todos os requisitos para ser homenaxeada co día das Letras Galegas, incluso o das obras esgotadas.

Calacús, castañas, pantasmas... Samaín!!

Calacús, castañas, pantasmas, espíritos... terroríficos días nos que os mortos están máis presentes que nunca en celebracións que recuperan a tradición polo país enteiro. O Samaín chega de novo con cabazas iluminadas, procesións nocturnas e unha morea de celebracións da man, en especial, das asociacións culturais. 

A Xunta falla os seus Premios de Cultura que engaden a categoría de Lingua

Un xurado presidido polo propio conselleiro de Cultura, Educación e Ordenación Universitaria, Xesús Vázquez fallou na Cidade da Cultura os premios oficiais da Xunta de Galicia. Luz Pozo, a Fundación Granell, A Asociación Cultural Abrente-Mostra Internacional e Teatro de Ribadavia, o Castro de Viladonga, o Colexio Santiago Apóstol, Juan Durán, Bambú Producciones e a Asociación PuntoGal son os galardoados. 

Ourense celebra o “Día de Nós”

En Ourense, na cidade na que saiu publicada a revista hai 93 anos, celebran o mércores día 30 de Outubro o “Día de Nós”. Quen promove a programación da xornada é unha asociación creada xa para preparar o centenario da publicación, dentro de sete anos. 

PuntoGAL, Salón do Libro Infantil e Xuvenil de Pontevedra e Festival de Cans optan ao Premio do Público Culturgal

Iniciativas novidosas, con alcance, transversais e con implicación social. Son as características que a Asociación Culturgal valorou á hora de seleccionar os tres proxectos que serán sometidos á votación popular. Un deles será o gañador da primeira edición do Premio do Público Culturgal que se entregará na feira das industrias culturais o día 1 de decembro. 

A Xunta organiza o Mercado de Industrias Culturais Atlánticas a só tres días do Culturgal

A Xunta de Galiza, a través de Agadic, monta este ano a primeira edición do Mercado das Industrias Culturais Atlánticas na Cidade da Cultura a tres días da celebración de Culturgal, a Feira das Industrias Culturais en Pontevedra. A Xunta reduciu en máis do cincuenta por cento o apoio económico ao Culturgal, feira promovida polos diversos sectores das industrias culturais galegas. 

Máis de 500 proxectos optan aos I Premios Galegos da Música Martín Códax

Máis de 500 proxectos sométense ao tempo de votación no que socios e socias de Músicos ao Vivo escollerán até o 10 de novembro quen gañará as distintas categorías dos seus primeiros galardóns. Como “espectacular” valora a organización o resultado da convocatoria que ofrece na súa web a máis ampla plataforma de grupos musicais do país. 

O novo audiovisual galego ábrese camiño na rede

As novas tecnoloxías están a remexelo todo. A forma en que concibimos a comunicación, mais tamén a maneira en que nos comunicamos nós propias. Neste senso, o audiovisual non escapa do furacán que supuxo a Internet e ten na rede un novo espazo para a creación, a difusión e mesmo a produción e distribución dos proxectos. Dhogs e Fame dan boa conta disto.

Manuel Gago descobre os deuses dos castros en “Vento e Chuvia”

O autor di que levaba vinte anos detrás do proxecto e iso xa lle dá solemnidade ao anuncio. Manuel Gago sorprende achegándose aos deuses dos castros no proxecto Vento e Chuvia. Un universo mítico que Gago descobre tras as pedras dos castros nun libro tras o que agroma un mundo “transmedia” para narrar a vida na Idade do Ferro. 

Femen no Congreso, as Guerrilla Girls no Museo

“Teñen que estar núas as mulleres para entrar no Museo Metropolitano de Nova Iorque?” preguntábanse as Guerrilla Girls no seu famoso cartel de 1989. O centro AlhóndigaBilbao ten aberta até o 6 de xaneiro de 2014 unha extensa exposición que mostra o traballo do colectivo artístico americano coa practica totalidade dos seus carteis e proxectos.

Xavier Queipo: "Traducir o Ulises é unha homenaxe á Xeración Nós"

"Un non escribe igual –non pode- logo de ter asimilado as ensinanzas estilísticas de Joyce", di o escritor Xavier Queipo que leva anos centrado na tradución dunha das obras mestras da literatura universal. En novembro a Editorial Galaxia publicará o Ulises, a realización daquel soño que a Xeración Nós encetara, un proxecto que é, para Queipo, o recoñecemento da "modernidade e afouteza" daquel grupo intelectual, en especial, de Otero Pedraio. 

O Grelo Folc en Monfero, o festival para esquecer o verán

O grelo merecía ter un festival que abrise as portas do outono  . O día 19 no mosteiro de Monfero, o Grelo Folc convida a bailar con As Pandereteiras Bouba ,Taghaitai, Os Tres Trebóns e Familia Caamagno. Con currasqueiro oficial e, pola tarde, “A Nabiciña”, para que a cativada goce tamén da grelada. 

Un festival “en tránsito” recala en Compostela con sete concertos

O formato é xa singular. O festival que comeza este xoves día 10 en Compostela está “en tránsito”.Celebrouse e celebrarase en diversas cidades e para a capital galega o Festival Sons Tránsitos ofrece sete concertos en tres noites cunha diversidade que, tamén, atravesa fronteiras: Chico César e Dani Black, Eliseo Parra, Amesmalúa, La Musgaña, Pedro Pastor, Acetre e Pentalfa

A revista Oink! xa ten premio nada máis nacer

O número 2 da revista Oink! chega aos quiosques coa noticia do Premio Ourense á Mellor iniciativa no campo da Banda Deseñada da XXV edición das Xornadas de Ourense. O samaín é o tema deste número cun Xabarín nocturno con cabaza iluminada na capa. 

A fin de semana é ecolóxica en Arzúa

O concello de Arzúa celebra este fin de semana a súa décima edición con dúas xornadas dun programa completo de actividades arredor da vida saudábel e  o consumo sostíbel ademais dun escaparate de produtos e actividades. Se queres aprender a preparar un menú san ou técnicas de relaxación, Arzúa é o teu destino este fin de semana. 

Os misterios do lanzamento do novo Astérix

Astérix e os pictos está a piques de chegar ás librarías mais o misterio continúa a ser un dos elementos do novo lanzamento. En París fíxose pública finalmente a portada do libro que en galego publicará Xerais, con tradución de Xavier Senín e Isabel Soto, autores tamén da versión en castelán. Comprometidos a gardar confidencialidade sobre a historia.  

"Cahiers du Cinéma" descobre o Novo Cinema Galego

“Cando a industria cinematográfica española está severamente tocada pola crise, asístese a unha emerxencia do documental galego”. Así é o inicio da reportaxe “Loin de Madrid” que a prestixiosa revista de cine francesa “Cahiers de Cinéma dedica ao Novo Cinema Galego no número deste mes de outubro. 

Camilo Franco deixa “La Voz de Galicia”

Xornalista cultural de referencia, crítico teatral e escritor, Camilo Franco deixa o xornal La Voz de Galicia do que facía parte da redacción desde hai case tres décadas. O xornalista entrara moi novo na redacción do xornal e era xa un dos de máis antigüidade na empresa. 

Festival “De noso”, a proposta galega para o San Froilán

A sexta  feira, día 4 de outubro, no mesmo inicio do San Froilán, e en Lugo desenvólvese o Festival “De Noso” que ofrecerá, segundo os seus promotores, a maior presenza de cultura galega nas máis populares festas. Cés Orquestra Pantasmas, Eudemónicas ou Os Tres Trebóns porán música á xornada. 

Brasil, protagonista da Feira do Livro de Frankfurt

De 9 a 13 de Outubro tem lugar a Feira do Livro de Frankfurt na que Brasil é o convidado de honra. Além dos principais vultos da literatura, editoras, música e projetos, numa larga agenda, apresentarão a cultura brasileira na mais relevante cita editorial da Europa. 

O concerto ao vivo en Santiago, a butaca en... Ourense?

En calquera lugar e a calquera distancia. O Taller Atlántico Contemporáneo ofrece un ciclo de concertos virtuais que se desenvolven en Compostela ao vivo e se retransmiten, en streaming, a calquera espazo público do país. A música soa en todos os lugares ao tempo e o concerto ten varios públicos simultaneamente. Cadaquén na súa butaca, en concellos diferentes. 

Portugal despede Ramos Rosa, um seu grande escritor

Em Lisboa, aos 88 anos, morreu António Ramos Rosa, um dos grandes escritores das letras portuguesas com uma ampla obra de poesia e ensaio que fecha o livro Em torno do Imponderável do passado ano. Deixou pegada nas letras galegas, em especial no fascínio que por ele sentia o poeta Eusébio Lorenzo Baleirón. 

Un documental moi especial para lembrar a Luísa Villalta

Voces que a coñeceron, imaxes do seu arquivo, fragmentos da súa obra e unha viaxe a través da súa biografía son os elementos cos que se constrúe o documental “Luísa Villalta. Paixón e compromiso”.  O que o fai singular é que está elaborado polo alumnado do centro no que a escritora e música deu clase antes de morrer.

Sushi para ler?

Pois é, sushi tamén para ler. Con dous títulos nas librarías a próxima semana nace Sushi Books, o selo para a literatura infantil e xuvenil que lanza Rinoceronte Editora. Dous libros, tres coleccións e tradución dalgúns dos seus títulos ao castelán, catalán e éuscaro son as novidades que anuncia. 

Teresa Moure presenta en Compostela 'Eu violei o lobo feroz', o seu primeiro título en galego-portugués

O lanzamento, fixado dentro das actividades do Festigal previstas para o Día da Patria, ficou adiado após suspendérense estes festexos por mor do accidente de tren acontecido en Angrois. A autora retoma esta quinta feira a tarefa pendente, acompañada polo tamén poeta Rafa Vilar.