Saltar ao contido
15:21 h. Sábado, 25 de Outubro do 2014

Devolverlle as rúas @s nen@s

As cidades terían algo máis de corazón con menos tráfico e máis cativ@s na rúa. Carballo celebra, dende o 1 de outubro até o 7, o II Foro da Mobilidade e da Autonomía Infantil.

A CRÍTICA DE CINEMA DAS SEXTAS FEIRAS

'Mil veces boas noites'

Rebecca (Juliette Binoche) é unha das mellores reporteiras de guerra do mundo. Tras un grave accidente en Kabul a súa familia dálle un ultimato: ou o seu traballo ou eles.

Un caro despropósito nas vías galegas

Até tres autovías ou autoestradas tiveron que pecharse nunha mesma fin de semana na Galiza. Defectos de planificación que paralizan a A-8 pola néboa ou o vento e provocan accidentes; atascos interminábeis en Vigo ou o clásico escándalo das peaxes reabren a polémica sobre as infraestruturas galegas. 

Ensinante, unha profesión que vai a menos

882 profesores de Secundaria e 261 de Primaria terán que impartir materias distintas daquelas coas que accederon ao seu posto de traballo. É só un exemplo do empeoramento das condicións de traballo do profesorado que a CIG-Ensino denuncia á vista da recente adxudicación de destinos. 

Abanca, unhas contas que non dan

De non ser polos preferentistas Abanca rexistraría perdas por riba dos 550 millóns de Euros. A entidade recibiu 36.925 millóns de euros de axudas públicas desde 2008 mais debe facer fronte antes de fins de 2015 a vencementos de débeda co Estado e ao BCE por 8.000 millóns. Sitúase á cabeza de refinanciación de créditos dubidosos, o 91,7% fronte ao 64,1% de media do sector.  

Emigrantes reclaman que a Xunta presione para eliminar a discriminación fiscal

Galiza é unha grande perxudicada da discriminación fiscal ás persoas emigrantes e, por esta razón, a Coordinadora Nacional de Plataformas de Emigrantes Retornados esixiulle a Consellaría de Facenda da Xunta que presione ao goberno central para aclarar os termos da reforma de Montoro e eliminar a inxustiza das súas cotizacións. 

Arte para Palestina desde Compostela

A praza do Toural foi o escenario desdeo que mostrar a solidariedade artística con Palestina. Centos de persoas asistiron aos espectáculos ofrecidos por artistas e colectivos da cidade en apoio ao pobo masacrado por Israel. 

Feijóo alude ao golpe fascista do 36 como "capricho da historia"

“Os caprichos da historia quixeron que eses ideais [os de Castelao] non se cumprisen na desafortunada República que viviu, senón na Monarquía que chegaría despois da longa noite de pedra”. Feijóo equipara o golpe fascista do 36 como un “capricho da historia”. Fíxoo no discurso do acto de entrega das Medallas Castelao, unha delas, a Carmen Fraga, filla dun ministro de Franco.

Moción do BNG nos concellos a prol dun proceso constituínte e do dereito a decidir

A democracia non cadra cun sistema “vitalicio” “establecido pola graza de Deus”, “machista” e “hereditario”. Por esta razón, o BNG está a presentar nos concellos unha moción encamiñada a superar o modelo institucional do Estado Español e recoñecer o dereito a decidir, despois da abdicación do rei Juan Carlos I. 

Vista para sentenza o xuízo, após María Pardo admitir un "erro político enorme"

O xuízo contra sete concelleir@s de Compostela ficou visto para unha sentenza que decidirá tamén o futuro do goberno municipal de Compostela. A voceira do grupo popular, María Pardo, admitiu como “un erro político enorme” aprobar en xunta de goberno o pagmento da defensa de Adrián Varela, o concelleiro imputado na Pokemon. 

Rafael Louzán declarará como imputado por suborno continuado

O PP inicia a campaña con dous imputados máis na súa listaxe. E, desta volta, un e moito peso no partido. O presidente da Deputación Provincial e presidente do PP en Pontevedra, Rafael Louzán terá que declarar como imputado diante do Xulgado de Cambados por delicto de suborno. Tamén o concelleiro de Pazos de Borbén e deputado provincial. 

A Pokemon sinala por segunda vez a Paula Prado

A Pokemon dá un segundo desgusto a Paula Prado ao investigar ao seu home por falsidade documental e tráfico de influencias. A xuíz Pilar de Lara, instrutora do sumario, está a investigar si o seu home utilizou a súa relación con Prado para a venda de materiais textís da súa empresa en organismos públicos como os concellos de Santiago e Boqueixón. 

"É aberrante que se poda ter a un preso na cadea desde 1989 e con saída para 2040"

M.L. -siglas ficticias- está preso en Teixeiro. Entrou na cadea con 18 anos, sen ter cometido delitos de sangue, leva 25 en prisión e ten como horizonte de saída o 2040. O semanario Sermos Galiza publica unha entrevista con este home que denuncia a cadea perpetua encuberta á que está sometido, cando a pena máxima que contempla o Código Penal é de 30 anos. Fernando Blanco, o presidente de Esculca, a entidade autora da entrevista, explícanos os buracos negros da xustiza que permiten situacións como esta que poñen en cuestión o estado democrático de dereito. 

Alertan das agresións medioambientais na Costa da Morte

Milleiros de toneladas de entrullo en Quilmas (Carnota), eucaliptos que substitúen carballos e fieitos protexidos en Mazaricos, cortas no bosque de ribeira no Xallas e portas abertas para a explotación eléctrica. Adega denuncia agresións ambientais na costa da morte, afectada pola falta de protección e a paralización da ampliación da Rede Natura. 

Peaxes: a navallada no peto

Unhas tarifas que non deixan de subir a pesar da crise e os grandes beneficios das concesionarias e a demanda de recuperación da titularidade pública da AP-9 continúan a provocar actos reivindicativos e iniciativas parlamentares contra o negocio “desmedido” das autoestradas galegas.

Feijóo ten que responder sobre a crecente pobreza

445.000 persoas non poden pagar o subministro eléctrico mais Feijóo continúa sen pronunciar a palabra “pobreza” nos seus discursos. BNG e AGE lembráronlle ao presidente da Xunta a grave situación pola que atravesan milleiros de persoas mentres o goberno galego continúa a acelerar os recortes sociais e deixa sen executar axudas á emerxencia.