Saltar ao contido
22:24 h. Cuarta feira, 20 de Agosto do 2014

Novo pucheirazo e/ou adianto eleitoral

Sobre a mesa de Rajoy hai neste momento dúas opcións:reformar a lei eleitoral sen consenso para elixir directamente as alcaldías ou convocar eleccións para facer inviábel o referendo catalán.

Nova etapa de Baltar nos xulgados, desta volta, imputado na Pokemon

O ex-presidente da Deputación ourensán declarou en Lugo imputado por un suposto delito de suborno. Após declarar ante De Lara dixo estar ‘’encantado e sorrinte’’. Presumiu de poder andar por Ourense "coa cabeza alta". O SVA considera que recibiu 6.000 euros de Vendex na campaña das municipais de 2011.

"A unidade patriótica, a mellor defensa para as clases populares e para Galiza"

A UPG cumpre medio século. Esta formación política clave na historia do nacionalismo galego realiza este sábado (19 h, Palacio de Congresos de Santiago de Compostela) un acto político conmemorativo das súas primeiras 5 décadas de existencia. "A unidade das forzas patrióticas é a mellor forma de asegurar a defensa dos intereses das clases populares galegas e de Galiza como nación", di o seu secretario xeral, Néstor Rego.

O PP retoma o recorte de escanos

Na ponencia que tivo lugar esta sexta feira o grupo do BNG abandonou a sesión acusando o PP de querer facer un "pucheirazo" electoral. Pola súa banda, AGE non asistiu á xuntanza.

Vence pide "galeguizar o debate político"

O portavoz nacional do Bloque, que celebrou Consello Nacional, saúda a “revitalización da base social nacionalista” observada na campaña das europeas e considera "obxectivo prioritario ser a referencia do voto rebelde".

Malia fechar 1.200 camas, Feijóo di que a galega é das mellores sanidades de Europa

Seguimos ao minuto a sesión de control ao goberno galego no Pleno no Parlamento de Galiza. Máis unha vez, Feijóo empregou o recurso ao 'bipartito' para deixar sen resposta as denuncias sobre deterioro da sanidade do BNG e de 'Andalucía' para retrucar a AGE. Sobre as eleccións, o presidente anunciou ''autocrítica desde a vitoria''.

Ana Miranda pasa o día de reflexión en Cans, onde defende “a cultura participativa”

A candidata do BNG montou nun chimpín do famoso festival de cinema da parroquia do Porriño e pasou o resto do día xunto á súa filla. Votará en Bouzas, ao contrario que o candidato galego do PP, Millán Mon, que o fará en Madrid. Lidia Senra, de AGE, traballou no seu posto nun mercado da Coruña na véspera dos comicios.

"Somos o voto que lles doe"

O BNG pisa o acelerador na recta final de campaña, marcada pola súa marxinación nos meios de titularidade pública galega. O BNG ve nas manobras dirixidas a conseguir o seu "silenciamento" o sinal de que o españolismo está nervoso ante a capacidade de resistencia do nacionalismo galego. A formación frentista acha que foi a máis en campaña. "Somos o voto que lles doe", resumen

CRTVG recorta o tempo do BNG sen contar co aval da XEP e sen agardar ao Supremo

A TVG aplicou unilateralmente a súa proposta de redución do tempo do BNG nos informativos sen agardar a que fose validada pola Xunta Eleitoral Provincial nen a que se pronunciase o Tribunal Supremo. Fíxoo no TX2 desta cuarta feira. Tirou 9 segundos ao BNG e deulle máis tempo a AGE. De acordo coa doutrina da Xunta Eleitoral Central, era a XEP quen debía "corrixir" o plano de cobertura da CRTVG e non a dirección xeral desta compañía.

A Xunta Eleitoral Central dá a razón a UPyD e marxina o BNG da campaña na CRTVG

Consúmase a exclusión do BNG nos espazos informativos da TVG. A Xunta Eleitoral Central estima parcialmente o recurso de UpyD e entende que o BNG non se presentou ás eleccións en 2009. Ou sexa: a XEC actúa co criterio de que Ana Miranda non existiu como parlamentaria. O BNG convoca un acto de protesto esta cuarta feira no Obradoiro (12 h).

Compostela, a poucas horas de que sete edís vaian a xuízo co apoio de Feijóo

A poucos días da chamada ás urnas, a corporación santiaguesa comeza o seu desfile xudicial: sete dos seus membros, acusados de prevaricación, terán que dar contas esta segunda-feira, cunha posíbel pena de nove anos de inhabilitación- e aínda faltan as vistas doutros casos como os dous polos que está imputado o alcalde. Polo de agora, ningunha dimisión e Feijóo mirando cara outro lado.

Feijóo, na cimeira do escapismo, elude reprobar a declaración machista de Cañete

Feijóo só viu "un cuarto" do debate Cañete-Valenciano. Feijóo non escoitou as declaracións posteriores de Cañete en Antena-3. O gabinete de imprensa de Feijóo tivo un mal día e tampouco informou ao seu chefe de nada. Feijóo supérase a si mesmo e pretexta "descoñecimento" para non avaliar as declaracións machistas de Cañete.

A TVG emite o debate esta noite na G-2 nun horario de audiencia residual

O debate entre as forzas políticas galegas na TVG vaise pór en antena esta noite na súa segunda canle e ás 22.45 horas, no horario en que se programa normalmente Foro Aberto. Na G2 é unha banda horaria de audiencia marxinal. En abril, Foro Aberto fixo unha media de 5.000 espectadoras/es, cando a TVG-1 supera doadamente os 100 mil.

Tsipras defende unha solución federal para Catalunya e Escocia

A cuestión nacional foi un dos temas no debate dos candidatos a presidir a Comisión Europea. Alexis Tsipras, o candidato de Anova e IU, dixo respeitar o dereito de autodeterminación, mais advogou por "unha solución federal" para Catalunya e Escocia dentro do Estado español e o Reino Unido, respectivamente. A candidata verde si apoia a independencia.

Sermos avanza o debate desta quinta feira

O debate bipartidista vaise realizar, após ser aprazado polo asasinato da presidenta da Deputación de Léon, esta quinta feira 15 de maio (22.30 h). Mais Rodri Suárez imaxinou xa o debate e tráenolo en bandexa de prata, permítannos esta chiscadela a Billy Wilder.

Axenda de campaña para o 15 de maio

Hoxe é o día do debate bipartidista nas televisións estatais, o duelo Cañete-Valenciano. Mentres, na Galiza, o BNG mitinea en Santiago, Compromiso en Lugo, AGE en Vigo, o PP en Sada e o PSOE en Pontevedra.

 

O periódico sabonita, contra Galiza Nova

Incansábel, o espía na campaña, o simpar Cosme Torreiro, continúa a rastrexar as páxinas da imprensa sistémica e a ver/ouvir as emisións audiovisuais dos media hexemónicos, eses tan conectados cos poderes financeiros.

Axenda de campaña para o 13 de maio

A campaña continúa após a interrupción producida polo asasinato da presidenta da Deputación de León. Esta terza feira irrompe na contenda eleitoral o ex presidente do Goberno, José Luis Rodríguez Zapatero.

Pachi Vázquez desmárcase de González: "Co PP non hai que se xuntar para nada"

As declaracións de Felipe González a prol dun goberno de concentración, realizadas este domingo en La Sexta, producen un sismo no PSOE. Na contorna de Rubalcaba había indignación co ex líder do partido. "Isto rebéntanos a campaña", dicían. Mentres, en Vigo, Abel Caballero di que Rubalcaba está satisfeito co seu pacto orzamental co PP.

“Ou hora dos pobos ou tiranía de mercados”

O acto conxunto en Donostia entre Bildu, BNG e CUP -que malia non formar parte da coalición, xa que non se presenta, dixo estar en “completa sintonía” con Os Pobos Deciden- converteuse nun canto á solidariedade internacionalista contra a Troika gobernante. Vídeo de Xavier Campos no interior.

A españolista UPD pide que TVG e RG non informen do BNG en campaña

A formación de Rosa Díez apresentou un recurso contra o plano de cobertura da CRTVG. UPyD entende que a TVG e RG deben informar sobre a campaña de PP, PSOE e AGE, mais non deben cubrir a do BNG. A formación nacionalista respondeu nun comunicado con retranca: "Recoñecemos que Ana Miranda non existe, é un invento para coarnos nos medios".

Axenda de campaña para o sábado 10 de Maio

Segundo día de campaña eleitoral cara ao 25 de Maio. Relacionamos a seguir os actos principais do día. O acto central do BNG será en Ponteareas, o de AGE, en Cambre, o de Compromiso por Galicia, no Grove, o do PSdeG-PSOE, en Cangas, o do PP, en Ribeira.

A carreira cara ao 25-M xa está aquí

Os altos índices de abstención poden marcar os comicios europeos, cuxa campaña arrinca co nacionalismo e a esquerda pedindo participación co obxectivo de converter a cita electoral nunha mobilización contra o modelo vixente, cuxos defensores están cómodos coa resignación cidadá pero poden levar un desgosto o 25 de maio. 

O BNG recorre perante a Xunta Electoral Central o reparto dos espazos electorais

A Xunta provincial galega parte na distribución dos tempos do criterio de que o BNG como tal non se presentou en 2009 ás europeas por ir en coligación. Mais as xuntas vasca e catalá si que recoñecen ás formacións que ían en alianza co Bloque (ERC, EA e Aralar) os votos obtidos naquela cita. Para o portavoz nacional Xavier Vence,o que se pretende é “amordazar o nacionalismo galego”. 

Avante Galiza! manifesta o seu apoio ao BNG para "sermos unha nación en Europa"

Un cento de representantes da Cultura, da Universidade ou do ámbito laboral fan parte desta plataforma, que reivindica "a vontade de sermos unha nación en Europa". Elvira Souto, Vítor Baqueiro, Xabier P. Docampo, Ugia Pedreira ou Xurxo Souto asinaron o manifesto de apoio. No acto de presentación de Avante Galiza!, Ana Miranda enfatizou que o 25-M "a abstención é un suicidio. Se quedamos na casa, seguirannos a roubar"

Blanco quere un debate galego PSOE-PP que marxine o resto de forzas

Malia que todo indica que as europeas poden converterse nun castigo ao bipartidismo, o representante galego na lista socialista, José Blanco, pide publicamente un debate xunto a Millán Mon, d@s populares, no que non estarían outras forzas como BNG ou AGE. A candidata nacionalista, Ana Miranda, afirma que “son as dúas caras da mesma moeda”.

Cuarto non do PP a investigar Angrois

A forza política que dá suporte ao goberno rexeitou por cuarta vez constituír unha comisión de investigación sobre o accidente ferroviario da curva da Grandeira. O PSOE tampouco quer que se investigue a traxedia e acubillouse baixo a abstención. A iniciativa do BNG só obtivo o respaldo de AGE.

Críticos de Anova denuncian seren albo de "censura" nas primarias para Europa

A tensión non decrece en Anova. Dous candidatos nas primarias para as europeas afirman que a súa comunicación á militancia foi submetida a "censura". Luís Eyré Palleiro denuncia a amputación parcial do documento en que formaliza a súa candidatura por parte do aparato da organización. Anova-Irmandade Nacionalista mudou o documento de candidatura de Xosé Miguel B. Rodríguez após facerse eco Sermos Galiza da denuncia de censura. 

Jorquera ve no informe dos "sabios" un "atraco fiscal" e Feijóo opta por distanciarse del

Debate sobre política fiscal no Parlamento. O portavoz do BNG interpelou ao presidente da Xunta sobre que pensaba o seu goberno a respeito do informe elaborado polo Comité de Sabios, unha análise que o Executivo Rajoy vai ter en conta á hora de lanzar a súa nova reforma fiscal. Feijóo estivo evasivo. Presionado por Jorquera, chegou a dicer: "E a min que me importa o informe da Comisión de Expertos?".

A asemblea de Moaña abandona Anova por rexeitar a integración na candidatura de IU

Primeiro abandono organizado de militantes da formación de Beiras. A Asemblea Local de Moaña tomou a decisión de deixar Anova por considerar a converxencia con IU unha operación "antagónica" cos principios fundacionais da organización. Mentres, a Asemblea do Val Miñor-Oia acha que Anova se puxo fóra do campo nacionalista e deveu un apéndice da "esquerda federal".

"Representamos a xente que se rebela"

O BNG escolleu o incio da primavera para presentar a súa candidatura ás eleccións europeas do 25 de Maio. Encabezada por Ana Miranda, a seguir na listaxe irán, respectivamente, o voceiro da formación frontista na Coruña, Xosé Manuel Carril, e a xornalista e responsábel de Relacións Internacionais en Galiza Nova Olalla Rodil.

Luís Eyré, disposto a ser candidato a Europa para "emendar o erro estratéxico" de ir con IU

O sector agora crítico de Anova xa ten candidato para Europa. É Luís Eyré Palleiro, quen mostra a súa disposición a concorrer nas primarias do día 30. Competirá presumibelmente coa candidata oficial, Lidia Senra. Disputaranse a praza número 5 na listaxe de IU a Bruxelas.

O BNG pide no Parlamento o cese de Samuel Juárez

Os nacionalistas rexistraron unha proposición non de lei instando ao goberno a expresar a reprobación de Samuel Juárez e a petición do seu cese ante o Goberno central. A desproporción das cargas policiais contra os mariñeiros e a actitude d@s axentes con alcaldes e deputad@s, os motivos.

Martiñistas e FPG copan a dirección de Anova, que en 2 semanas elixirá candidat@s a Europa

Noriega asume de novo a responsabilidade de coordenador nacional xunto con boa parte das persoas que lle son máis afíns como Antón Sánchez, Antón Dobao e Iolanda P. Docampo. Os críticos, antes oficialistas, poderían cuestionar a candidatura de Lidia Senra a Europa.

Currás desafía á xustiza e di que non cesará aos concelleiros imputados

O alcalde compostelán súmase á estratexia de Feijóo de facer como se nada pasase no Concello de Compostela. O rexedor pide ao PPdeG que faga unha ''excepción'' e non aplique o código ético do partido no caso dos edís da súa equipa de goberno, 7, imputados por prevaricación. Mentres, a oposición exixe medidas contundentes e na cidadanía aumenta a indignación.

Martiño Noriega perde a cuestión de confianza

Toda a oposición votou, por segunda vez, en contra das contas e lamentou que o alcalde de Teo botase man dun ''mecanismo excepcional'' antes que dialogar. O procedemento establece o prazo dun mes para presentar unha moción de censura. De non a presentar, os orzamentos fican aprobados e 'blindados' automaticamente.

Cimeira internacionalista contra a troika

A alternativa ás políticas de austeridade da troika é a conquista da soberanía. As forzas nacionalistas e de esquerdas reunidas na cimeira convocada en Bilbo -entre elas o BNG- coinciden á hora de rexeitar ás políticas impostas pola UE e defenden a súa vía diante da troika: “cambio social e soberanía”.

Unha delegación do Parlamento galego visita o Sáhara Occidental

Parlamentares das catro forzas políticas con representación na Cámara galega aterraron na cidade de El Aaiún (Sáhara Occidental) esta sexta feira para amosar a súa solidariedade co pobo sahariano e demandar o cumprimento dos acordos que instan a convocatoria dun referendo de autodeterminación. 

''Ten medo de que os traballadores marchen da TVG coa fórmula secreta de Luar?''

A comparecencia parlamentar do director xeral da CRTVG para explicar as últimas normas e circulares aprobadas pola compañía deu pé a un vivo debate sobre a canle. A oposición denunciou a intención do PP de “controlar os traballadores”, aos que a compañía pon ''baixo sospeita permanente''. O Partido Popular, porén, defendeu que a actual TVG “ten máis credibilidade ca nunca”.

O Concello de Vigo apoia o indulto para Carlos e Serafín que o Parlamento volverá debater

O pleno de Vigo aprobou de maneira unánime unha moción de apoio aos sindicalistas que foron condenados por tomaren parte dun piquete informativo en 2008. Esta cuarta feira o pleno do Parlamento debaterá unha petición de indulto após vetar o PP na anterior sesión unha declaración presentada polo BNG. 

O núcleo até agora maioritario de Anova demite e cría un baleiro de poder

Mario López Rico, Luis Eyré 'Palleiro' ou Chelo Martínez, entre as 10 persoas que marchan. Achan que a decisión de concorrer ás europeas na candidatura de IU é "un erro estratéxico e político". O sector oficial xa non existe. O crítico, o liderado por Martiño Noriega, abandonou a dirección xa no pasado mes de decembro.

A militancia de Anova decide ir con IU a Europa por apenas 11 votos

A opción de concorrer ás eleccións europeas integrados na candidatura que Izquierda Unida vai promover a nível estatal colleita até 380 dos votos emitidos pol@s 791 participantes no referendo. Con 369 ficou a segunda opción, mentres que @s partidari@s de non concorrer foron unicamente 37, segundo informou a propia organización.

Beiras aposta en ir con IU ás europeas

Fronte a postura de López Rico, Luis Eyré ou Francisco Trigo, a coñecida como Anova 'oficial', de ir en coligación con soberanistas de esquerdas e/ou plataformas rupturistas, Xosé Manuel Beiras defende facelo con Izquierda Unida, segundo Europa Press.