Poio 2017, capital europea das embarcacións tradicionais

Poio 2017, capital europea das embarcacións tradicionais

Ducias de embarcacións de diferentes países daranse cita na XIII edición do Encontro galego de embarcacións tradicionais,cita que vai decorrerr no verán de 2017 mais comeza a prepararse desde xa.


A XIII edición do Encontro de embarcacións tradicionais de Galiza volve a Poio. Alí recalara no 2001 e alí volverá do 29 de xuño ao 2 de xullo de 2017. Embora falta un ano, xa está activada a comisión organizadora, integrada por Concello, A Reiboa e a Federación galega pola cultura marítima e fluvial (Fgcmf). Cada un destes encontros supón reunir a ducias de embarcacións tradicionais de diferentes países de Europa, centos de tripulantes e milleiros de visitantes. As dúas últimas edicións decorreron en Cabo de Cruz (2015) e O Freixo (2013).

O Encontro consiste nunha gran concentración de embarcacións tradicionais representativas do patrimonio marítimo galego e doutros países. Así, barcos de Portugal, Euskal Herria, Bretaña, Irlanda, España ou Italia son habituais nestas citas. E todos coas súas correspondentes tripulacións

Aliás, nos encontros sempre hai  un completo programade actos culturais e de lecer, xornadas de conferencias, coloquios, exposicións, publicacións, música e danza tradicional, artesanía, e demáis. A mellor garantía de que milleiros de visitantes se acheguen até os encontros ano tras ano.

A celebración dos mesmos ten por finalidade principal "poñer de manifesto a riqueza do patrimonio marítimo e fluvial galego e a necesidade de conservalo. Por outra banda, os Encontros serven para amosar o traballo no eido da recuperación do patrimonio feito polas asociacións, é ó mesmo tempo, supón unha actividade de dinamización social e de lecer, converténdose nunha festa atractiva para os cidadáns e visitantes da vila que acolle o Encontro".