‘L'eau Sacrée’ e 'Esquece Monelos' gañan a XII Mostra Internacional de Cinema Etnográfico

‘L'eau Sacrée’ e 'Esquece Monelos' gañan a XII Mostra Internacional de Cinema Etnográfico
Fotograma de 'Esquece Monelos', mellor filme galego neste MICE
Fotograma de 'Esquece Monelos', mellor filme galego neste MICE  

Máis de 40 filmes participaron nesta edición do MICE do Museo do Pobo Galego.


Xurado e público estiveron de acordo en que a película ‘L'eau sacrée', do director belga  Olivier Jourdain foi a mellor nesta 12 edición da Mostra Intern. acional de Cinema Etnográfico (MICE) do Museo do Pobo Galego. Levou ambos os dous premios con este filme sobre a sexualidade ruandesa.

O premio á Mellor Película Galega foi para "Esquece Monelos" de Ángeles Huerta. O filme da produtora de Compostela Danga Danga Audiovisuais, válese da desaparición do río Monelos baixo a cidade da Coruña para reflexionar sobre como se perde a memoria dos lugares e das súas xentes.

Do 29 de maio ao 3 de xuño puideron verse en Compostela filmes etnográficos de varios continentes, con cumprida presenza galega. Máis de 40 traballos participaron nesta edición. Entre os filmes a concurso estaban as longas galegas 'Esquece Monelos', de Ángeles Huerta; 'Entrar aos Vilares', de Cibrán Tenreiro; 'Adolescentes', de Ángel Santos; ou 'O Moredo, a resistencia do entroido ribeirao', de David Vázquez.