A AELG homenaxea o teatro galego cos seus premios

M.E. 08 febreiro 2014 15:16 h.

Cesáreo Sánchez

Será protagonista privilexiado nas actividades deste ano. A Asociación de Escritores e Escritoras en Lingua Galega acordou na súa asemblea xeral homenaxear ao teatro galego cos seus premios, en recoñecemento ao esforzo dos seus protagonistas en tempos tan difíciles para o sector. Xabier P. DoCampo será homenaxeado coa letra E.

Os Premios da AELG deste ano terán ao teatro como protagonista. A Asociación de Escritores e Escritoras en Lingua Galega quere así recoñecer o esforzo e o compromiso da xente do espectáculo para manter vivos os nosos escenarios nun momento en que os recortes afectan de maneira especial ás programacións culturais. Desta maneira, AELG premiará, en distintas categorías, a representantes de todas os ámbitos da escena galega. A compañía Sarabela, dirixida por Ánxeles Cuña Bóveda recibirá o premio como agrupación profesional mentres Achádego de Lugo, que cumpre 25 anos neste 2014, será recoñecida polo seu traballo no teatro amador. A todos e todas os que contribuíron ao desenvolvemento da escena galega homenaxearase no premio que a entidade concede á Asociación de Actores e Actrices de Galiza.

A AELG valorará tamén o impulso dalgunhas institucións na promoción do teatro e, neste sentido, premiará ao proxecto Buxiganga, da Vicepresidencia da Deputación de Lugo, polo seu labor de difusión e socialización do teatro galego. Tamén a área de cultura de Deputación da Coruña, polo premio Rafael Dieste, foi valorada pola asociación profesional literaria. Narón e Tui entran no palmarés da AELG como concellos que dedican un especial destaque ás artes escénicas.

En canto iniciativas privadas, a editorial Laiovento e o proxecto Casahamlet son os dous proxectos que merecen destaque da asociación presidida por Cesáreo Sánchez Iglesias.

Letra E a Xabier P. Docampo

O escritor Xabier P. DoCampo será este ano o homenaxeado coa letra E de “O Escritor na súa Terra” e protagonizará, polo tanto, a xornada na que, entre outros actos, plantará unha árbores no seu territorio biográfico. A homenaxe chega este ano á súa vixésima edición.

Alén destes premios, a AELG xa adiantará que o escritor vasco Bernardo Atxaga será, desta volta, o Escritor Galego Universal.

Homenaxea a Xela Arias e Luísa Villalta

Ao longo do mes de maio, a AELG dedicará tamén actos de homenaxe ás escritoras Xela Arias e Luísa Villalta, ao se cumpriren dez ano do seu falecemento.

A Asociación de Escritoras e Escritores en Lingua Galega (AELG) celebrou este sábado día 8 de febreiro a súa Asemblea Xeral de Socios/as, no Salón de Actos do compostelán Museo do Pobo Galego. Decidiuse, entre outras cousas, que a Gala das Letras terá lugar o 3 de maio na cidade de Pontevedra. Tamén se aprobou incorporar aos estatutos as modalidades de socio protector e socio colaborador para entidades e particulares que, sen pertencer de maneira exclusiva ao mundo da escrita, contribúan ao desenvolvemento das actividades e a vida da Asociación.

Máis novas

cultura
Morna de Cabo Verde é proclamada Património Imaterial da Humanidade

A morna, o género musical de raiz cabo-verdiana, foi proclamada esta quarta-feira, 11 de dezembro, Património Imaterial Cultural da Humanidade pela Organização das Nações Unidas para a Educação, Ciência e Cultura (UNESCO).
cultura
Profesionais e Academia Galega do Teatro alertan da “privatización” de CDG e CCG

Exixen a retirada dun Proxecto de Decreto para modificar os Estatutos da Agadic que se está a levar a cabo “de costas ao groso do sector e que acentuará o desmantelamento sistemático que a Xunta está a practicar coas unidades de produción institucional” no Centro Dramático Galego e Centro Coreográfico Galego.
cultura
O historiador Diego Piay dá a coñecer o legado inédito de María Vinyals
A historia de María Vinyals é, aínda, unha historia inacabada. Queda moito por contar da vida desta muller precursora nada no Castelo de Soutomaior a finais do século XIX. Proba disto é o libro de Diego Piay Augusto, publicado por Alvarellos en colaboración coa Deputación de Pontevedra. María Vinyals, a muller do porvir. Sete vidas baixo a sombra dun castelo é o título da obra. A pasada cuarta feira presentouse en Vigo.
cultura
Cen anos de 'Nós'

Hai 100 anos había quen pensaba que desde Galiza non se podía soster unha publicación propia de alta cultura. Os membros da Xeración Nós encargáronse de demostrar o equivocados que estaban.