O fundador de Pink Floyd Roger Waters chama a “parar o golpe de Trump en Venezuela”

O fundador de Pink Floyd Roger Waters chama a “parar o golpe de Trump en Venezuela”
Chío de Roger Waters, fundador de Pink Floyd, en solidariedade co Goberno de Venezuela.
Chío de Roger Waters, fundador de Pink Floyd, en solidariedade co Goberno de Venezuela.  

É un músico capaz de encher estadios para escoitar a súa reconstrución de The Wall, o mítico dobre disco de Pink Floyd. Roger Waters (Surrey, 1943), baixista e compositor, un dos fundadores da lendaria banda psicodélica devida en sinfónica, chamou esta segunda feira a “parar o golpe de Trump en Venezuela”.
 


Desde a súa conta de Twitter, que seguen 270.000 persoas, difundiu a convocatoria dunha “manifestación de emerxencia” en Nova York con xustamente esa palabra de orde: “Paremos o golpe de Trump en Venezuela”. O chío foi replicado máis de 11.000 veces e contou con 16.000 interaccións.

roger waters 3

Waters engadiu ademais unha nota propia en voz alta: “Esta protesta é hoxe!!!! Paremos a última loucura do Goberno dos Estados Unidos. Deixen o pobo venezolano en paz. Eles teñen unha democracia real. Paren a súa destrución unicamente para que o 1% se apropie do seu petróleo. Mans ianquis fóra de Venezuela”.

O ex baixista de Pink Floyd -abandonou a banda en 1985 malia ser o letrista e, dalgún xeito, o líder conceptual do proxecto- significouse politicamente en numerosas ocasións. É un activista militante da causa palestina, e as súas críticas á dereita e á extrema dereita son habituais. Nun recente concerto en São Paulo advertía, en referencia a Jair Bolsonaro, de que “o neofascismo está a ascender”.

Nota: foto de Roger Waters durante unha actuación en 2008. Imaxe: cedida.



x