Sermos Galiza

  • Venres 20 setembro 2019
EN DESTAQUE

FESTIVAL EN LUGO DO 19 AO 21 DE XULLO

Blues no interior da muralla

Redacción 01 xullo 2019 12:05 h.
Blues no interior da muralla
A saxofonista británica YolanDa Brown, que participará no III Festival Blues Museum de Lugo. Foto: cedida.
A saxofonista británica YolanDa Brown, que participará no III Festival Blues Museum de Lugo. Foto: cedida.  

O blues segundo o festival Blues Museum de Lugo excede as definicións canónicas. Eis a explicación de que sexa a saxofonista inglesa filla de xamaicanas YolanDa Brown que abra o encontro a sexta feira 19 de xuño, á unha e media do mediodía, nos xardíns do Museo Provincial cun “concerto familiar”.

E é que Brown, que repetirá ás nove e media da noite na praza da Soidade con Izo Fitzroy e Ben Poole, transita ademais polo jazz, o reggae, o rhythm and blues, o gospel: as músicas da diáspora africana provocada pola escravitude. Fitzroy, tamén inglesa, decántase cara ao soul blues e cita Janis Joplin entre os seus referentes.

Ben Poole recuncará o sábado, 20 de xullo, cunha clase maxistral nos xardíns do museo. Dedícase ao blues eléctrico de alta enerxía, duro, como o que practicaron no seu día o titánico irlandés Rory Gallagher ou o que aínda toca George Thorogood. Á noite, novamente na praza da Soidade, Aretha Soul Divas & the Silverbacks repasarán o imprescindíbel repertorio soul da Franklin.

Watermelon Slim, afroamericano, é unha das estrelas do festival. Activo desde os anos 60, cando colaborou con músicos contraculturais interesados no blues -Country Joe McDonald ou Canned Heat- ou co mito John Lee Hooker-, conta cunha ducia de álbums ao seu nome. Chris O'Leary será a terceira pata da noite do sábado, co seu blues influenciado polo rock.

O domingo, Izo Fitzroy pechará o terceiro Blues Museum á unha do mediodía nos xardíns do Museo Provincial. Organizan a Deputación e o Concello de Lugo.

Máis novas
  • Curtocircuíto: máis de 130 filmes á marxe da corrente principal
    cultura
    Curtocircuíto: máis de 130 filmes á marxe da corrente principal
    Un festival “gamberro pero rigoroso”. Así se autodefine Curtocircuíto, a mostra de cinema que, do 28 de setembro ao 6 de outubro, achega a Compostela máis de 130 filmes á marxe das correntes principais. “O noso programa comprométese coa calidade artística, as últimas tendencias cinematográficas e a interdisciplinariedade”, asegura a organización. Presentou o seu contido este 19 de setembro.
  • 200 pezas de “frikismo cinematográfico” en Vigo
    cultura
    200 pezas de “frikismo cinematográfico” en Vigo
    É difícil definir a idea de “frikismo cinemotográfico” coa que se presenta o Galician Freaky Film Festival. A propia organización inténtao cunha enumeración de xéneros: fantasía, ciencia ficción, terror, gore e serie B. Douscentos filmes encherán o programa da terceira edición do encontro en Vigo, do 24 ao 26 de outubro.
  • Artes escénicas para as máis pequenas das pequenas
    cultura
    Artes escénicas para as máis pequenas das pequenas
    As máis pequenas de entre as máis pequenas tamén teñen dereito á arte. O Núbebes, que comeza esta sexta feira, 20 de setembro en Pontevedra, confírmao: “Dúas intensas fins de semanas cheíñas de propostas arredor das artes escénicas, pensadas e dirixidas á cativada da casa”. Festival de artes escénicas para bebés e familia, subtitúlase.
  • A primeira proxección de 'O que arde' na Galiza será en Navia de Suarna
    cultura
    A primeira proxección de 'O que arde' na Galiza será en Navia de Suarna
    O que arde volverá ás súas orixes. Navia de Suarna, nos Ancares, acollerá a súa primeira proxección pública na Galiza o vindeiro 29 de setembro, domingo. Participará o director do filme, Oliver Laxe, e o equipo técnico e artístico, incluídos os intérpretes protagonistas Amador Arias e Benedicta Sánchez.