A EDITORA CHAN DA PÓLVORA HOMENAXEA O POETA

As mil vidas de Serafín Ferro

Redacción 17 xuño 2019 16:03 h.

Á esquerda, Serafín Ferro, nun fotograma de 'L'espoir' (1937), filme de André Malraux. Imaxe: Chan da Pólvora.

Poeta el mesmo, inspirador de dous dos grandes libros de Luis Cernuda, actor no lendario filme L'espoir (Serra de Teruel) de Malraux, alistado na Lexión cos nacionais para axiña fuxir e combater pola República na Guerra Civil. A biografía do coruñés Serafín Ferro contén un cento de vidas. É a escollida pola editorial Chan da Pólvora para a súa iniciativa Día do Orgullo Galego.

Chan da Pólvora e a libraría compostelá homónima escolleron hai xa tres anos o 28 de xuño como xornada de memoria do Estatuto de Autonomía de 1936 e de reivindicación dos dereitos LGTBI. Nesta ocasión escolleron Serafín Ferro (Monelos, A Coruña, 1912-México, 1957) como protagonista. A plaqueta Un poema de Serafín Ferro, en concreto Noite, conformará a achega editorial á celebración, quen anuncia unha biografía a cargo do xornalista Santiago Romero.

Ferro foi tamén “fonte léxica” dos Seis poemas galegos de Lorca, con quen mantivo relación. A pegada do poeta andaluz nótase na propia escrita do galego. A publicación inclúe tamén o retrato que fixo Ramón Gaya de quen fora o “gran amor” de Cernuda. Estudosos consideran que Serafín Ferro é inspirador dos seus libros Los placeres prohibidos (1931) e Donde habite el olvido (1933).

Serafín Ferro fixérase anarquista no Madrid republicano, onde a lenda di que chegou a pé. Amigo de Eduardo Blanco Amor, Ernesto Guerra da Cal ou Ramón Suárez Picallo, exiliouse en México. Alí morreu “esquecido e pobre”, casado cunha muller “coa que non conxeniaba”. Guerra da Cal escribiu o seu epitafio, lembra a editora Chan da Pólvora: “Naceu para escuro malabarista da vida e desempeñou con valor e ironía o papel desa aventura acrobática”.

Máis novas

cultura
Morna de Cabo Verde é proclamada Património Imaterial da Humanidade

A morna, o género musical de raiz cabo-verdiana, foi proclamada esta quarta-feira, 11 de dezembro, Património Imaterial Cultural da Humanidade pela Organização das Nações Unidas para a Educação, Ciência e Cultura (UNESCO).
cultura
Profesionais e Academia Galega do Teatro alertan da “privatización” de CDG e CCG

Exixen a retirada dun Proxecto de Decreto para modificar os Estatutos da Agadic que se está a levar a cabo “de costas ao groso do sector e que acentuará o desmantelamento sistemático que a Xunta está a practicar coas unidades de produción institucional” no Centro Dramático Galego e Centro Coreográfico Galego.
cultura
O historiador Diego Piay dá a coñecer o legado inédito de María Vinyals
A historia de María Vinyals é, aínda, unha historia inacabada. Queda moito por contar da vida desta muller precursora nada no Castelo de Soutomaior a finais do século XIX. Proba disto é o libro de Diego Piay Augusto, publicado por Alvarellos en colaboración coa Deputación de Pontevedra. María Vinyals, a muller do porvir. Sete vidas baixo a sombra dun castelo é o título da obra. A pasada cuarta feira presentouse en Vigo.
cultura
Cen anos de 'Nós'

Hai 100 anos había quen pensaba que desde Galiza non se podía soster unha publicación propia de alta cultura. Os membros da Xeración Nós encargáronse de demostrar o equivocados que estaban.