Morre Paco 'Rufus', de 'Os Maruxa'

Morre Paco 'Rufus', de 'Os Maruxa'
Paco 'Rufus' López
Paco 'Rufus' López  

Esta semana morría aos 44 anos Paco 'Rufus', que formou parte de 'Os Maruxa', o grupo de garage-rock máis destacado dos 90. 


Paco López, máis coñecido como Paco Rufus, vivía desde hai anos en Alicante, onde montou unha tenda de discos (Naranja y Negro) e unha discográfica independente, Rufus Recordings.

O rock'n'roll era a súa vida desde ben novo, e formou parte de múltiples bandas ao longo da súa vida. A máis coñecida en Galiza foron Os Maruxa, e máis tarde, xa en Alicante formou parte de Flamin Guays e Rock-a-Hulas, que chegaron a ter certo éxito entre o rock independente español. Outros proxectos dos que formou parte foron Las Membranas, Franky Baltimore, The 7-11's, Studebakers, The Reactions, The Raw...

En Galiza é lembrado sobre todo por Os Maruxa, unha banda formada en Cedeira en 1992, un dos referentes galaicos do garage-rock que foron fichados polo selo Subterfuge, que se fixou neles e lle lanzou o seu primeiro disco, 'Hot stuff' (1993).