SEIXAS EMPREGA 1.300 PÁXINAS ATÉ 1930

O primeiro tomo da gran biografía de Castelao, nas librarías

Redacción 23 abril 2019 11:05 h.

Miguel Anxo Seixas. Foto: Ovidio Aldegunde.

Mil trescentas páxinas emprega o historiador Miguel Anxo Seixas (Arzúa, 1960) en narrar os feitos de vida e obra de Castelao entre 1886 e 1930. O primeiro tomo da súa gran biografía sobre o rianxeiro, titulada Castelao. Construtor da nación, xa está nas librarías da man de Galaxia e o Consorcio de Santiago.

Castelao construtor da nacion tomo I - cuberta

“Este traballo é o compendio de investigación e recollida de datos e documentación”, sinala a editorial nun comunicado. Esta primeira parte abranxe “o meniño rianxeiro, o rapaz emigrante e retornado, o debuxante e o pintor autodidacta, o médico entregado, o ilustrador que se vale dos debuxos de humor para concienciar os galegos, o funcionario, o profesor de debuxo, o membro das Irmandades da Fala, o escritor e artista”.

Inzada de material gráfico e pictórico, abondosas pezas inéditas até agora en mans privadas e case descoñecidas, serven para “completar un puzzle que ninguén chegara a rematar antes”. Seixas, que publicara antes ensaios como Castelao, pintor (Galaxia, 2006) ou a colectiva Para ler a Castelao I e II (Galaxia, 2000), baseou Castelao. Construtor da nación na súa tese de doutoramento, presentada en 2017.

“Seixas deita no papel toda a súa paixón pola busca do pormenor significativo, o seu rigor na comprobación e descuberta de aspectos ignorados ou esquecidos e o gusto por rexistrar os pasos e a obra de quen foi unha das personalidades fundamentais na construción da nación galega no século XX”, indica Galaxia.

Nesta entrevista publicada en Sermos Galiza, o autor da “monumental biografía, concibida case como un diario da vida cotiá de Castelao, explica os detalles do seu traballo.

Máis novas

cultura
‘Longa noite’, elixida mellor película no Festival Transcinema 2019
O filme de Eloy Enciso regresa de Perú co premio á mellor película na competencia internacional no festival independente de cinema contemporáneo Transcinema.
cultura
Jaione Camborda: "O raro é pensar por que se fala galego no filme"
Jaione Camborda (Donostia, 1983) atopa en Arima, a súa ópera prima, o punto xusto onde esvae a estrema entre real e imaxinario. Cineasta natural de Euskal Herria, desenvolve desde hai anos o seu traballo na Galiza. Após pasar polo Festival de Sevilla, recibir o premio na sección Escáner do Festival Márgenes (Madrid) e estréase en Cineuropa (Compostela), a súa longametraxe inaugurou o pasado 10 de decembro Novos Cinemas (Pontevedra). O universo feminino e fantasmal recréase nun filme poliédrico no que a ollada torna fundamental como punto de rotación. Eis un estrato da entrevista publicada no número 376 do Sermos Galiza.
cultura
Subtitular para conservar a diversidade lingüística
O simposio internacional As linguas e o cinema, organizado polo Grupo de Estudos Audiovisuais (GEA) da Universidade de Santiago de Compostela no marco do proxecto “EU-VOS”, abordou en Compostela a relación das pequenas cinematografías co subtitulado e a súa relevancia na preservación da diversidade lingüística.
cultura
Cinema para as máis pequenas en Ames
De sexta feira 13 de decembro a domingo 15 de decembro o cinema infantil dáse cita en Ames.