11 DE OUTUBRO EN FERROL

Ramiro Vidal Alvarinho presenta 'Origem e ruptura', o seu terceiro libro de poemas

Ramiro Vidal Alvarinho presenta 'Origem e ruptura', o seu terceiro libro de poemas
O poeta Ramiro Vidal Alvarinho. Foto: cedida.
O poeta Ramiro Vidal Alvarinho. Foto: cedida.  
Origem e ruptura (M Editora, 2019) é o terceiro libro individual de Ramiro Vidal Alvarinho (Ferrol, 1973). Épico e autobigráfico, entre a esperanza e o fatalismo, o propio autor falou ao respecto de “punto de mudanza vital e por extensión literaria”. O vindeiro 11 de outubro preséntao na Fundaçom Artábria da súa cidade natal, ás 20 horas.

Acompañarán a Vidal Alvarinho o editor Alberte Momán, a actriz Silvia Romaus, o poeta Karlotti Valle, e mais Miguel Neira, de Artábria. “As lutas de juventude, o amor como salva-vidas e a morte como um trauma constante” son as contantes que o poeta atopa nun volume cuxos poemas se estruturan en tres partes: A mai invadida, Bitácora de viagem e Duas palavras.

Antes de Origem e ruptura, Ramiro Vidal -colaborador de Sermos Galiza- publicara Letras de amor e guerra (2012) e Mares de queijo (2015). Fixo parte de diversos colectivos poéticos, como Versos Suicidas ou A porta verde do sétimo andar.