O RockLab pon o ramo a un XX Salón do Libro polo que pasaron máis de 26.000 persoas

O RockLab pon o ramo a un XX Salón do Libro polo que pasaron máis de 26.000 persoas
Andrea Bayer e compañía Baobab presentaron o Salón a obra 'Mai Mai'. Foto: Baobab.
Andrea Bayer e compañía Baobab presentaron o Salón a obra 'Mai Mai'. Foto: Baobab.  

A diversificación das actividades e a extensión por toda a cidade de Pontevedra ampliou a oferta a pùblicos de todas as idades.


A XX edición do Salón do Libro de Pontevedra dixo adeus cun acto de clausura protagonizado polo alumnado do RockLab. Poñíase así o ramo a tres semanas de actividades. A concelleira de Cultura, Carme Fouces, sinalou que “non é posíbel agradecer unha a unha ás miles de persoas, público incluido, que fixeron posíbel o Salón, que é un traballo colectivo” mais quixo salientar especialmente o papel do concelleiro Luis Bará.

Por volta de 26.000 persoas de todas as idades gozaron da programación do Salón que festexou os seus 20 anos diversificando a oferta para abranguer todos os públicos e chegar a cada recuncho da cidade. Entre as novidades desta edición destaca os encontros lectores destinados a público adolescente 'Lemos e somos VIP', a troca de libros coordinada polo IES Torrente Balleste e as ANPAS - na que se deu unha nova vida a máis de 5.000 libros - ou a actuación musical 'Alegría' de Sergio Tannus e Marta Bravo na Residencia de maiores de Campolongo.

A organización destaca desta edición a consolidación dos públicos adolescentes, a baixada da ratio de escolares por día en fomento da calidade das actividades e a expansión do Salón pola cidade. A lusofonía como cultura convidada supuxo unha aposta chave ao achegar profesionais chegados de Brasil, Angola, Cabo Verde ou Portugal que participaron activamente do programa.