DO 1 AO 6 DE SETEMBRO

'Sicixia' de Ignacio Vilar proxectarase no Matadero de Madrid

'Sicixia' de Ignacio Vilar proxectarase no Matadero de Madrid
Marta Lado, con Monti Castiñeiras, caracterizada como Olalla, no filme 'Sicixia'. Foto: cedida.
Marta Lado, con Monti Castiñeiras, caracterizada como Olalla, no filme 'Sicixia'. Foto: cedida.  

Ignacio Vilar (Petín, 1951) é un dos cineastas de maior percorrido popular do cinema galego. Filmes como Vilamor (2012) ou sobre todo A esmorga (2014) chegaron a pantallas de todo o país e, no caso da adaptación de Blanco Amor, tamén do exterior. A súa última longa, Sicixia (2016), salta agora aos cinemas madrileños.
 


A Sala Plató da Cineteca do Matadero acollará dous pases diarios -ás 18.00 e ás 20.00 horas- de Sicixia entre o 1 o 6 de setembro. Ambientada na Costa da Morte e con Marta Lado e Monti Castiñeiras como protagonistas, na súa primeira semana en carteleira -aló por novembro de 2016- situose entre os cinco films máis vistos en Galiza.

 

“A súa orixinal proposta cinematográfica”, explican desde a produtora Vía Láctea, “cunha coidada mestura de personaxes reaisi e de ficción convida ao espectador a se mergullar na singularidade deste recuncho único no mundo”.

 

A última obra de Vilar -que arestora prepara unha fita sobre María Soliña- foi recoñecida en festivais de Houston ou Toulouse, e competiu na sección oficial de Xixón.



x