"GALIZA TEN UNHA RIQUEZA SUPERIOR NESTE EIDO"

‘Toponimízate’ divulgará os nomes da Terra en 16 localidades galegas

‘Toponimízate’ divulgará os nomes da Terra en 16 localidades galegas
Vicente Feijoo, Valentín García, María Luisa Pena e Víctor Freixanes (RAG)
Vicente Feijoo, Valentín García, María Luisa Pena e Víctor Freixanes (RAG)  

A Real Academia Galega, en colaboración da Secretaría Xeral de Política Lingüística, coordina unha iniciativa enmarcada dentro dos proxectos Toponimia de Galicia e GeoArpad para a elaboración da información sobre a orixe e o significado dos nomes dos concellos, parroquias e aldeas.


A campaña de divulgación da toponimia Toponimízate. Coñece os nomes da túa terra chegará entre os meses de novembro e decembro a 16 localidades de toda Galiza.

A Real Academia Galega, en colaboración da Secretaría Xeral de Política Lingüística, coordina unha iniciativa enmarcada dentro dos proxectos Toponimia de Galicia e GeoArpad para a elaboración da información sobre a orixe e o significado dos nomes dos concellos, parroquias e aldeas.

"Con esta acción pretendemos implicar o conxunto da sociedade, tanto institucións locais como particulares, na reivindicación e defensa dun dos nosos grandes tesouros históricos", salientou o presidente da Academia, Víctor Freixanes.

"A través dos nomes dos lugares podemos seguir a crónica de nós, a memoria do que somos, a pegada dos devanceiros. Galiza ten unha riqueza neste campo moi superior a calquera outra comunidade europea e é a nosa obriga coidala, estudala e defendela", engadiu.

Difusión por todo o país

Esta edición da campaña arrincou o pasado 4 de novembro en Mazaricos, e as vindeiras sesións terán lugar o 27 de novembro en Guitiriz (ás 19 horas no Telecentro), o 28 en Lalín (Biblioteca Valera Jácome, 20 horas), o 29 en Taboada (Casa da Cultura, 19 horas) e o sábado 30 de novembro no Bierzo (salón de plenos do Concello de Carucedo, 12 horas).

O programa continuará nas seguinte semana en Muxía (4 de decembro na biblioteca municipal), Noia (5 de decembro, Casa da Cultura), Folgoso do Courel (16 de decembro, CPI Uxío Novoneyra), Cerdedo-Cotobade (17 de decembro, sala de usos múltiples), Pazos de Borbén (19 de decembro, auditorio do Concello) e Vilalba (27 de decembro, Casa da Cultura).