Sermos Galiza

  • Domingo 21 xullo 2019
EN DESTAQUE

A OBRA ESTABA DESCATALOGADA

Xerais recupera 'Antón e os inocentes', novela que Ferrín escribiu na cadea

Daniel Salgado 01 xullo 2019 16:18 h.
Xerais recupera 'Antón e os inocentes', novela que Ferrín escribiu na cadea
Imaxe de Vigo. Foto: cedida.
Imaxe de Vigo. Foto: cedida.  

Méndez Ferrín escribiu Antón e os inocentes, a súa terceira novela, “no lugar sórdido no que 'toda incomodidad tiene su asiento”. Así o di, con ecos quixotescos, a dedicatoria inicial. Ese lugar sórdido é El Dueso, onde o autor foi recluído entre 1969 e 1971. Historia de iniciación que sucede nos ambientes proletarios do Vigo dos 50, publicouse por primeira vez en 1976. Fóra de catálogo desde hai anos, Xerais recuperaa en edición do poeta e filólogo Antón Blanco.

Narda e Berto protagonizan unha narración que, a dicir de Blanco (Vilagarcía de Arousa, 1996), agocha “tras o envoltorio do Bildungsroman todo un tratado histórico e ideolóxico sobre os conflitos derivados da loita de clases aos que se ve sometida a Galiza contemporánea”. A idea de inocencia, a axitación político social, as novas camadas emerxentes produto do despregamento industrial, a resistencia á ditadura, as complicacións da vida adulta en tempos históricos oprobiosos se é que algúns non o son cruzan a obra.cuberta antón e os inocentes

Produto dunha toma de posición literaria autoconsciente -cuxa dinámica describe Blanco no seu traballo de fin de grao Antón e os inocentes: o proletariado galego como suxeito literario e político-, Ferrín explícaa na nota de apertura Ao leitor: “Cecáis os escritores bons galegos (que sempre andan de costas ao mariñeiro e aos oficios manuais de terra) ben poderían sentirse estimulados a facer romances navais ou tocantes ao mundo do traballo a seguir deste meu cativo relato”.

Con Retorno a Tagen Ata (1971) e Elipsis e outras sombras (1974), Antón e os inocentes é unha das tres obras que o escritor ourensán redactou en prisión. Anos despois afirmou que se trataba da segunda peza dunha triloxía conformada pola inédita Os corvos, a figueira e a fouce -novela sobre o a guerrilla que o levou á cadea en 1967- e No ventre do silencio (1999). No seu día, a crítica recibiuna con frialdade, mais o propio Ferrín considera que contén “algunhas das páxinas máis exactas, duras e esixentes” que teña “rematado nesta vida traballada”.

A primeira edición saiu do prelo da man de Xistral, a editorial que Manuel María rexía en Monforte de Lemos asociada á libraría do mesmo nome. Dez anos despois, Sotelo Blanco encargouse da segunda tiraxe. Mais a creba da empresa deixou a obra fóra das librarías. Até agora.

Máis novas
  • A máis completa radiografía das asociacións culturais durante o franquismo, no Festigal
    cultura
    A máis completa radiografía das asociacións culturais durante o franquismo, no Festigal

    O vindeiro 25 de xullo, ás 18.30 horas, o Festigal acollerá a presentación dun novo número da publicación Terra e Tempo titulada Resistencia e expansión cultural. Crónica do movemento cultural galego na ditadura (1961-1976). O volume recolle artigos de trinta e dúas autoras e autores sobre vinte e cinco asociacións culturais e será presentado por María Pilar García Negro, Nemesio Barxa e Pilar Allegue.

  • Descobren as primeiras pinturas rupestres sobre granito na Galiza
    cultura
    Descobren as primeiras pinturas rupestres sobre granito na Galiza

    No marco do proxecto de recuperación patrimonial, paisaxística e etnográfica que realiza un equipo de investigadoras da Universidade de Vigo na contorna do xacemento do Castelo de Lobarzán/A Ceadá das Laxes das Chas, en Monterrei e Oímbra, veñen de descubrise as primeiras pinturas rupestres da tradición esquemática sobre granito. Trátase dos primeiros motivos que se atopan neste tipo de soporte na Galiza.

  • Reivindicar a historia de noso desde o Pico Sagro
    cultura
    Reivindicar a historia de noso desde o Pico Sagro

    “Que a fogueira do esprito siga quentando as vosas vidas e que a fogueira do lume nunca deixe de quentar os vosos fogares”. Máis un ano, e desde 2011, o Alba de Gloria, de Castelao, volveu pronunciarse desde o alto do Pico Sagro para recuperar o espírito nacional do autor do Sempre en Galiza e das Irmandades da Fala.

  • Quico Cadaval analiza a historia do teatro galego desde as Irmandades a hoxe
    cultura
    Quico Cadaval analiza a historia do teatro galego desde as Irmandades a hoxe

    “As Irmandades da Fala tentaron ocupar todas as áreas do coñecemento, da arte e da comunicación en galego, e foi así como a lingua entrou no teatro burgués. Un caso moi significativo, pola grande aspiración que supuxo, foi a creación do poema épico O Mariscal”, explicou o dramaturgo Quico Cadaval no relatorio sobre a historia do teatro galego que impartiu nos Cursos de lingua e cultura galegas “Galego sen fronteiras”que a RAG coorganiza.