O Celta arrinca un punto en Araba e evita situarse no descenso

O Celta arrinca un punto en Araba e evita situarse no descenso
Imaxe do Alavés Celta deste sábado, 23 de febreiro. Foto: RC Celta.
Imaxe do Alavés Celta deste sábado, 23 de febreiro. Foto: RC Celta.  

O empate que este sábado arrincou o Celta en Araba vai un pouco máis alá do resultado (0-0). Sérvelle aos de Miguel Cardoso para, de momento, evitar os postos de descenso.
 


Sólidos a nivel ofensivo e con algunhas ocasións de gol, os galegos parecen xa conscientes de que o descenso é unha posibilidade. Talvez por iso se empregaron a fondo en pechar a súa portería aos ataques do Alavés.

A primeira parte do partido deixou a impresión de igualdade. Malia que o Celta bordou o perigo na área dos vascos -houbo chegadas de Junca, Brais e Maxi-, os de Gasteiz souberon defenderse. Na área viguesa, pola contra, non houbo grandes riscos e o Celta defendeuse dos contragolpes.

Non moi diferente resultou a segunda parte dun encontro sen goles. As dúas equipas tiveron oportunidades de gol e as dúas equipas desaproveitáronas. Ou, máis ben, os gardametas impediron a súa materialización. No tramo final, os vigueses amosaron certa solidez defensiva e conservaron o marcador a 0.

Neste intre, cuartos comezando polo final, o Celta está fóra dos postos de descenso.

Ficha técnica

0 – Deportivo Alavés: Pacheco; Navarro, Laguardia, Maripán, Duarte; Brasanac (Wakaso, min 74), Pina, Manu García; Inui (Rolan, miin 74), Calleri (Bastón, min 79) e Jony.

0 – RC Celta: Rubén; Hugo Mallo, Araujo, Costas, Hoedt, Juncà; Okay (Beltrán, min 62), Lobotka, Brais (Jozabed, min 92), Jensen (Boufal, min 66), e Maxi Gómez.

Árbitro: Carlos del Cerro Grande, do comité madrileño. Amoestou Ximo Navarro, Duarte (Deportivo Alavés), Okay, Hugo Mallo (RC Celta).

Campo: Mendizorroza.



x