Puntogal e Voltier Electronics selan un acordo de patrocinio da selección galega de fútbol gaélico. Cubrirá a participación do equipo galego nos GAA World Games deste verán e no campionato europeo do ano que vén, que podería disputarse no noso país..
A empresa galega Voltier Electronics e a Asociación PuntoGal asinaron esta cuarta feira o acordo polo que van ser as entidades patrocinadoras principais da Selección Galega de Fútbol Gaélico para os vindeiros dous anos. Na sinatura do convenio participaron o presidente da Asociación Galega de Fútbol Gaélico (AGFG), Ángel Negrete, mentres que en representación de PuntoGal estiveron presentes o seu presidente, Manuel González, e o seu director xeral, Darío Janeiro, e por parte de Voltier Electronics Iván Souto e Luis Rama, socios fundadores.
Negrete subliñou a transcendencia deste convenio de patrocinio “que nos permitirá seguir medrando como referencia do fútbol gaélico a nivel internacional a través da Selección Galega”.
O convenio cubre a participación da selección no mundial deste verán e no europeo do ano que vén para o que, ademais, anunciou “estamos traballando na candidatura de Galiza como sede”. “As achegas de entidades empresariais unidas a outro tipo de iniciativas que vimos levando a cabo para conseguir fondos” -engadiu Negrete- “son imprescindibles para poder afrontar a participación das Seleccións en torneos internacionais, tendo en conta que somos totalmente amateurs”.
Fixaron 20 de decembro como data para asinar o convenio colectivo.
A velocista, afincada en Lugo desde hai cinco anos, cando fuxiu da súa Mali natal pola persecución á que era sometida pola súa condición de albina, logrou un tempo de 11:99 na categoría T12 de discapacitados visuais, e a piques estivo de lograr o ouro, que recaeu na cubana Omara Durand por tan só 33 centésimas.
Considerada como a futbolista galega máis importante da historia, o xornalista deportivo máis tópico tamén definiría Verónica Boquete (Compostela, 1987), ou tan só ‘Vero’, como figura nas costas das súas camisolas, como unha “trotamundos do fútbol”. Após xogar en 14 clubs distintos de Europa, Asia e América, volve á casa para repoñer forzas até o comezo da vindeira tempada da liga americana. Reunidos nun café do seu barrio, San Lázaro, introducimos a entrevista, como non podía ser doutro modo, falando do tempo. Vero aguanta con estoicismo tanto o frío das montañas de Salt Lake City (Utah, EUA) como a choiva da súa cidade natal, pero non lle importa mollarse en temas como o seu futuro ou a folga na Liga de fútbol. Eis un estrato da entrevista publicada no número 371 do semanario en papel Sermos Galiza.
“
