Os aeroportos galegos moveron 4,5 millóns de pasaxeiras até outubro

Os aeroportos galegos moveron 4,5 millóns de pasaxeiras até outubro
Terminal do aeroporto coruñés de Alvedro (Aena)
Terminal do aeroporto coruñés de Alvedro (Aena)  
As tres terminais galegas volverán superar os cinco millóns a final de ano pese aos malos datos de Peinador.

O tráfico nos aeroportos galegos segue a crecer. A lo menos en Lavacolla e Alvedro, xa que Peinador segue coa súa vaga de malos resultados. Desta vez, a terminal viguesa rexistrou unha caída de 17% no mes de outubro, até as 88.633 pasaxeiras transportadas, segundo os datos publicados esta terza feira por o xestor aeroportuario Aena. 

O dato positivo ven da terminal coruñesa de Alvedro, que segue a sumar crecementos mes tras mes. Desta volta, o número de pasaxeiras no aeroporto da Coruña no mes de outubro foi de 124.833, o que supón 12,8% máis que no mesmo período do ano anterior. 

Por Lavacolla, que segue como aeroporto principal da Galiza, pasaron o pasado mes 263.999 viaxeiras, 7,4% máis. 

A polos 5 millóns 

No acumulado do ano, as tres terminais galegas superan xa os 4,5 millóns de viaxeiras transportadas, e de seguir a tendencia volverase a superar o récord de 5 millóns acadado o pasado ano. 

Por terminais, Lavacolla rexistrou entre xaneiro e outubro 2.492.956 persoas usuarias (+6,6%); Alvedro, 1.143.822 (+11%), moi preto do seu récord absoluto acadado en 2007, que é de 1.266.795, e Peinador, con 873.124, pon a nota negativa cunha caída de 9,3% no tráfico de pasaxeiras.