Jorquera comprométese a repoñer as prazas de profesorado recortadas por Feijóo

Jorquera comprométese a repoñer as prazas de profesorado recortadas por Feijóo
Francisco Jorquera
Francisco Jorquera  SG
O candidato do BNG mantivo un encontro con representantes do ensino. No acto a ensinante e tamén candidata Marta Dacosta cualificou a Feijóo e ao Conselleiro de Educación, Jesús Vázquez de ser "precursores de Wert".

O candidato do BNG á presidencia da Xunta de Galiza, Francisco Jorquera, comprometeuse a a “repoñer as prazas de profesores que o goberno de Feijóo destruíu esta lexislatura” e a derrogar o decreto “vergoñante” do plurilingüismo, que reduciu a presenza do galego nas aulas.

Jorquera, nun acto público con [email protected] e representantes do ensino, asegurou que “recortar no ensino é recortar no futuro do País e renunciar a modificar o modelo de crecemento que conduciu á crise, por iso para o BNG un ensino público e de calidade será prioritario”.

“Un dos grandes logros que conseguiu o PP en Educación foi unir a profesores e pais en toda Galiza en contra das súas políticas de brutais recortes e en contra da estratexia programada de desaparición do galego”, sinalou o candidato do Bloque, que un día antes apoiou unha manifestación de estudantes na Coruña.

Pola súa parte, Marta Dacosta, profesora e candidata número 6 pola circunscrición de Pontevedra, acusou a Feijóo e ao conselleiro de Educación e candidato do PP por Ourense de ser “precursores de Wert” e cualificou de “trienio negro” para o ensino en Galiza a lexislatura.