QUIM TORRA INSTA PEDRO SÁNCHEZ A NEGOCIAR "DE GOVERN A GOVERN"

Adeus ao 155

X.M. 02 xuño 2018 18:08 h.

Adeus ao 155

Foto de familia do novo executivo catalán [Foto: Govern]

A toma de posesión do Govern Torra clausura a intervención estatal sobre o autogoberno catalán. Quixo o calendario político que o evento coincidise coa promesa de Pedro Sánchez do seu cargo de presidente. Nun emotivo discurso, Quim Torra apelou ao espírito do 1 de outubro -o referendo reprimido pola policía española-, e rendeu tributo aos líderes soberanistas presos ou exiliados.

O 155 sobreviviu unhas horas ao Goberno Rajoy, o executivo que o activou o 27 de outubro de 2017 co apoio do PSOE e de Cs. Este sábado pasou a mellor vida ao tomar posesión un Govern que, tal e como exixía o estado español, estivese composto por persoas non atinxidas por causas xudiciais. Para a súa conformación Quim Torra tivo que dar un paso atrás e recuar sobre a súa intención inicial de nomear como consellers aos presos Josep Rull e Jordi Turull e aos exiliados Toni Comín e Lluís Puig.

O obxectivo final deste Govern é o mesmo que o que perseguía o anterior, o encabezado por Carles Puigdemont, a quen o soberanismo continúa a considerar o president lexítimo. Ou sexa, construír a República, "a casa de todos", e facelo desde xa, sen dar "nen un paso atrás", enfatizou no seu discurso Quim Torra.

"Os familiares [dos presos e exiliados] pagades máis que ningún o prezo da represión. Os presos e exiliados son un faro, un exemplo que fai abrir os ollos a toda Europa. Este Govern asume o compromiso de avanzar de acordo co 1 de outubro, isto é, un estado independente en forma de República", dixo o president da Generalitat. "Non será un camiño doado, hai intereses moi poderosos que tentan impedilo", acrecentou.

Recados a Madrid

Fóra da solemnidade do acto de toma de posesión, Quim Torra elixiu o marco dunha intervención perante o consello nacional do PDeCAT para interpelar o novo goberno español, o que lidera Pedro Sánchez após a triunfante moción de censura que derrubou Mariano Raxoi. Torra instou Sánchez á abertura dun diálogo de ti a ti, de "govern a govern"

Máis novas

internacional
Os Nobel Alternativos premian as loitas climática, indíxena, saharauí e feminista

Os Right Livelihood Award, que fan 40 anos, galardoaron Greta Thunberg, Davi Kopenawa, Aminatou Haidar e Guo Jianmei.
internacional
O Congreso dos EUA inicia o proceso de acusación formal contra Trump

A presidenta da Cámara baixa, Nancy Pelosi, deu a orde de que os representantes 'demócratas' redacten os cargos, dentro do proceso de impeachment ou destitución polo caso da Ucraína.
internacional
Absolven Lula e Rousseff de suposto financiamento ilícito do partido

O xuíz criticou duramente a denuncia, salientando que hai ausencia de probas e definíndoa como un “intento de criminalizar a actividade política”.
internacional
Meritxell Serret: "A sentenza do procés ameaza as liberdades da cidadanía"
Meritxell Serret (Vallfogona de Balaguer, 1975) é a delegada da Generalitat de Catalunya ante a Unión Europea. Chegou a Bruxelas hai máis de dous anos, logo de tomar a determinación compartida con outros políticos e activistas cataláns como Toni Comín, Clara Ponsatí ou o president Carles Puigdemont de exiliarse para evitar a represión do Estado español logo do referendo de independencia do 1 de outubro. Até o seu cese, a consecuencia da aplicación do artigo 155 da Constitución Española, dirixía a Consellaría de Agricultura da Generalitat, sendo a primeira muller na centenaria historia da institución en ocupar ese cargo. Após case dous anos dos sucesos que cambiaron para sempre a súa vida, recibe Sermos Galiza no seu despacho en Bruxelas unha muller amábel, de falar pausado e que irradia tranquilidade no trato humano. Eis un estrato da entrevista publicada no número 375 do Sermos Galiza.