CUALIFICA BORRELL COMO O "MINISTRO MÁIS INDIGNO DA HISTORIA DA DEMOCRACIA ESPAÑOLA"

Unha bronca parlamentar resulta na expulsión de Rufián

Unha bronca parlamentar resulta na expulsión de Rufián
Rufián
Rufián  

Rufián nunca deixa indiferente ninguén e esta terza feira, menos que nunca. O deputado de ERC dirixiu grosas palabras ao ministro de Asuntos Exteriores, Josep Borrell, e após ser chamado reiteradas veces á orde pola presidenta do Congreso, Ana Pastor, foi expulsado da cámara. Borrell acusou o deputado de Esquerra Joan Capdevila de cuspirlle na cara cando abandonaba o hemicilo. ERC négao.


Ao ser expulsado Gabriel Rufián do pleno do Congreso, o resto do grupo parlamentar de ERC abandonouno en solidariedade con el. O lance acrecenta tensión na relación entre o Goberno Sánchez e un dos soportes chave que viabilizaron a moción de censura que derrubou Raxoi.

Borrell, dirixente da ala máis xacobina e anti-nacionalista do PSOE, é unha das bestas negras do soberanismo catalán. A intervención de Rufián foi congruente con iso: "Señor Borrell, hai tempo que lle quero dicir isto. Vostede é o ministro máis indigno da historia da democracia española. E ten habido moitos indignos", díxolle. E engadiu: "Vostede non é un ministro, é un 'hooligan', un militante de Sociedade Civil Catalana, unha vergoña para o seu grupo parlamentario, porque aquela é unha organización de extrema dereita".

Rufián pediu a demisión de Borrell por se ter moqueado nun mitin do PSC "do meu compañeiro Oriol Junqueras mentres apodrecía nunha prisión de Madrid [antes de ser trasladado a Lledoners]".

Borrell interveu para denunciar que un deputado de ERC lle cuspiu. Esquerra desmentiuno.

 



x