NA BRETAÑA

Convocan unha concentración en Lorient, Bretaña, na defensa do carácter nacional da Galiza

Redacción 07 agosto 2019 11:04 h.

Lorient

Este sábado, ás 15:30, diante da Casa do Concello desta cidade bretoa. O independentismo bretón critica a rebaixa a “territorio” que a Xunta fai da cualificación de “nación” que o Festival Intercéltico de An Orient dá ao noso país. Defende que Galiza e Bretaña non son “territorios” nin “rexións” senón “nacións sen estado”.

A decisión da Xunta de rebaixar a “territorio” a cualificación que o Festival Intercéltico de Lorient dá a Galiza non só xerou malestar e rexeitamento no noso país. Tamén en Bretaña, Breizh, país onde ten lugar o coñecido festival do mundo celta, esa decisión do goberno de Feixoo causa malestar en certos sectores.

Desde o soberanismo bretón séntense “indignados” por un novo exemplo dunha política que non é casual, sinalan: os gobernos da Galiza e Bretaña non recoñecen ambos os dous pobos como nacións. “Estamos cansos de discursos, tanto na Galiza como na Bretaña, que nos presentan como simples territorios ou rexións”, indica Breizhistance nun comunicado nas redes.

breizh galiza Neste sentido, denuncian que a televisión francesa "borrou" do desfile das nacións celtas do Festival de Lorient calquera pancarta reivindicativa a favor da unidade territorial de Bretaña, "noutra manifestación desa propensión a presentarnos como simples provincias celtas", e non como nacións sen Estado.

Comunicado a través do que convocan unha concentración este sábado, 10 de agosto, ás 15:30 en Orient, diante da Casa do Concello, para “rexeitar” o posicionamento de Xunta e Consello Rexional de Bretaña, e defender o dereito á autodeterminación. “Polo dereito a decidir” é unha das chamadas desta convocatoria.

Máis novas

internacional
O Congreso dos EUA formaliza a acusación contra Donald Trump
A Cámara de Representantes estadounidense, tal e como se agardaba, decidiu acusar esta terza feira, 10 de decembro, o presidente do país de abuso de poder e de obstrución á Cámara baixa.
internacional
Esquerra e PSOE constatan avances nas negociacións
Barcelona acolleu a terceira reunión oficial da comisión negociadora do PSOE e Esquerra Republicana de Catalunya de cara á investidura de Pedro Sánchez. Ambas as dúas forzas políticas recoñeceron que se están a producir avances na definición dos instrumentos necesarios para a resolución do conflito político en Catalunya.
internacional
Corenta entidades alertan da violación de dereitos en España
Con motivo do Día Internacional dos Dereitos Humanos, un total de corenta asociacións do Estado, entre as que se atopa a Fundación Galiza Sempre, denunciaron ante as Nacións Unidas a “violación de dereitos humanos” que se produce en España.
internacional
O 'Washington Post' desvela que o Goberno dos EUA "non sabía o que facía" en Afganistán
Os Papeis do Pentágono, publicados primeiro polo New York Times en 1971, revelaron que o Goberno de Lyndon B. Johnson mentira sobre a actuación dos EUA na Guerra de Vietnam. Agora é o Post quen saca á luz que a Casa Branca vén mentindo desde 2001 sobre o seu rol na aínda activa Guerra afgá. Unha información posíbel grazas á Freedom of Information Act, a lei de acceso á información que rexe nos EUA e da que carece a nosa lexislación.