Un home suicídase en Cornellà cando o ían desafiuzar da vivenda

Un home suicídase en Cornellà cando o ían desafiuzar da vivenda
Protesta contra os despexos en Vigo.
Protesta contra os despexos en Vigo.  

Un home de 45 anos botouse ao baleiro desde un décimo andar en Cornellà de Llobregat (Catalunya) cando o ían desafiuzar da súa vivenda.


Unha comitiva xudicial chegou ao domicilio da persoa -propiedade dunha entidade bancaria- para executar o despexo. Mais a vítima non abría a porta. Os encargados do desafiuzamento chamaron unha patrulla dos Mossos d'Esquadra.

 

Ao personarse os policías, unha muller abriu a porta. Nese intre, o home xa saltara do balcón ao pavimento. Faleceu no acto. O suceso aconteceu entre as 10 da mañá e a unha do mediodía desta quinta feira, 14 de xuño.

 

A familia estaba nunha lista de espera para vivenda social. O banco propietario do piso denunciara a parella por impago. A demanda comunicóuselles o pasado mes de xaneiro.



x