O PAÍS SOLICITA AXUDA

Os incendios matan no mínimo 74 persoas en Grecia

Os incendios matan no mínimo 74 persoas en Grecia
Incendios en Grecia.
Incendios en Grecia.  

As lapas arrasan os arredores de Atenas, a capital de Grecia. No mínimo 74 persoas morreron nos incendios, entre elas varias menores de idade. O Estado grego declarou o estado de emerxencia e vén de solicitar axuda internacional.
 


O lume desatouse entre o porto de Rafina, a 30 quilómetros de Atenas, e Nea Makri, 10 quilómetros máis ao norte. Os fortes ventos dificultan o control dos fogos. Os máis grandes aínda activos son sete. Ademais dos 74 mortos, os e as feridas son preto de 200 e numerosos desparecidos. Arderon arredor dun milleiro de vivendas.

O primeiro ministro grego, Alexis Tsipras, adiantou o seu regreso de Bosnia, anunciou tres días de loito no país e prometeu que “ninguén quedará sen axuda e nada quedará sen respostas”. O ministro de Orde Pública, Nikos Toskas, insinuou que os incendios poden ser provocados.

En 2007, na zona do Peloponeso, outra gran vaga de lumes acabaou coa vida de 73 persoas.