A comunidade galega de Londres celebrará ao grande o Día das Letras Galegas

A comunidade galega de Londres celebrará ao grande o Día das Letras Galegas
Haileybury Youth Centre, onde decorrerán as actividades.
Haileybury Youth Centre, onde decorrerán as actividades.  

Un concerto de O Leo, poesía, proxección de curtas, foliada, obradoiros ou actividades infantís, centran as actividades que terán lugar este domingo no Haileybury Youth Centre.


A asociación Rede Galega en UK (REGA-UK) organiza este domingo, 13 de maio, unha completa xornada festiva para celebrar o Día das Letras Galegas. Van ser seis horas de actividades que se desenvolverán no Haileybury Youth Centre [13-19 h, Ben Jonson Road, London, E1 3NN]. Música a cargo de O Leo, poesía, audiovisual, actividades para as máis pequenas… integran a programación.

 

 

A entrada anticipada ten un prezo de 10 libras e de mercarse na porta, o seu custo será de 12 libras. En ambos os dous casos, o tícket inclúe unha bebida e unha tapa. O acceso é gratuíto para os menores de 15 anos. Para a compra anticipada é preciso realizar o ingreso na conta bancaria número 73872742 (sort code 20-25-95) e poñer como ‘payee reference’ LETRAS-Nome-Apelido. A recadación destinarase integramente á organización de actividades socioculturais en Londres promovidas por REGA-UK.

 

Ademais de REGA-UK tamén colaboran na xornada outras organizacións socioculturais galegas da capital británica como Troula, a Asociación A Caramiña, Galego en Londres, Galician Film Forum e Galegos Morriñentos en Londres. Precisamente, este último colectivo celebra os seus dez anos de vida coincidindo co evento do domingo.

 



x