A Mesa reivindica a figura de Ricardo Carvalho Calero

A Mesa reivindica a figura de Ricardo Carvalho Calero
Ilustración de Carvalho Calero no 'País das Letras', obra de Miguel Cuba.
Ilustración de Carvalho Calero no 'País das Letras', obra de Miguel Cuba.  

Lembra que o ferrolán fechou en 1986 o Encontro sobre o estado actual da normalización lingüística que frutificou na creación da Mesa.


Aínda non é oficial, farase público o sábado, mais o protagonista do Día das Letras galegas do 2020 vai ser Ricardo Carvalho Calero (Ferrol, 1910 - Compostela, 1990). A súa é a única candidatura sobre a mesa e nestes días sucédense declaracións e comunicados parabenizando a escolla. Un deles, o da Mesa pola Normalización Lingüística, que reivindica a súa traxectoria e compromiso.

“Despois de anos de intentos infrutuosos por parte de diversos colectivos e entidades sociais de defensa da lingua e da cultura galegas, a única candidatura presentada é a do primeiro catedrático de Lingüística e Literatura Galega, que hai 32 anos pechou en Compostela os encontros que desembocaron na constitución da Mesa pola Normalización Lingüísitica”, manifestan.

O 20 de abril de 1986 pechou o Encontro sobre o estado actual da normalización lingüística que deu pé á creación da Mesa pola Normalización Lingüistica, coa conferencia titulada "Situaçom presente e orientaçom futura dos problemas gerais da nossa língua". Desde A Mesa subliñan tamén a súa participación en entidades como a Associaçom Galega da Língua (AGAL) e a Asociación de Escritores en Lingua Galega (AELG)