Deputados de Podemos piden cambios en plena crise do partido en Galiza

Deputados de Podemos piden cambios en plena crise do partido en Galiza
Gómez Reino
Gómez Reino  

Avogan por movementos que permitan finalizar co “bloqueo” en órganos de dirección e que mesmo apontan á realización dun congreso.


Os tres membros de Podemos, 2 deputados e 1 senador, eleitos nas eleccións do pasado 20-D dentro da coligazón En Marea comezan a moverse perante o escenario de fenda e crise que semella que aniña no partido en Galiza e que se plasmou estes días nas destitucións de 4 cargos directivos de Podemos por parte do secretario xeral, Breogán Riobóo. Así o afirma 'La Voz de Galicia', que informa dunha misiva que os tres parlamentares remitiron aos cargos orgánicos de Podemos-Galiza. Unha carta na que, asegura o diario, ponse como una prioridade reestruturar o partido no noso país, así como poñer fin ao bloqueo que existiría en órganos como o Consello cidadán galego, eleito polas bases.

Segundo a versión do xornal, os 2 deputados e o senador piden fixar unha canle de relación con En Marea, así como unha mesa mediadora entre o secretario xeral de Podemos-Galiza e os membros eleitos do partido. A realización dun congreso no curto prazo é outra das cuestións que se abordan na carta.

De por parte, Riobóo estaría a impulsar, di 'La Voz', comisións xestoras naquelas cidades e localidades onde Podemos carece de dirección, entre elas Vigo, o círculo máis numeroso en Galiza, ou Ferrol.