Sermos Galiza

  • Segunda feira 17 Xuño 2019
EN DESTAQUE

AS ELECCIÓNS A OLLOS DE... MÉNDEZ FERRÍN

"Hai que contribuír á destrución da Unión Europea"

A.M. 20 Maio 2019 08:12 h.
"Hai que contribuír á destrución da Unión Europea"
[Imaxe: SG] Xosé Luís Méndez Ferrín
[Imaxe: SG] Xosé Luís Méndez Ferrín  

Como euroescéptico de esquerdas defínese X.L. Méndez Ferrín, quen avoga pola disolución da Unión Europea debido ao seu défice democrático e o seu carácter imperialista. Olla ademais un novo mundo multilateral onde os pobos europeos deben deixar de estar ao servizo dos EE.UU.

Relacionadas

Que representa para vostede a Unión Europea?

Nada. Eu son euroescéptico de esquerdas e a miña posición coincide no plano europeo co Partido Comunista Portugués. Sempre fixen campaña contra a UE. Precisamente, un dos puntos de ruptura do nacionalismo de esquerdas co predecesor piñeirismo foi debido ao concepto que este defendía sobre o modelo de Europa e que hoxe representa a UE.

Ademais, lembremos que Europa vai moito máis alá da UE. Moscova tamén está en Europa e a tradición europea vén xa de Grecia, mais iso nada ten que ver con estes estados unidos de Europa.

A UE ten défices políticos, carece de carácter democrático e funciona como un pozo de atracción dos nosos aforros e impostos. Vémolo nesa Comisión Europea que dita o que temos que pescar, o que temos que comer e até como temos que sentar na mesa.

A maiores, este ente non favorece en nada a autodeterminación nin a independencia de Galiza.

Con todo, temos que estar alí, en Bruxelas, porque se nós non estamos ocupamos ese lugar outros farano por nós.

Considera que a UE é reformábel?

Non, para nada. Hai que contribuír á súa destrución, a comezar polo plano ideolóxico, e ver ademais con alegría o momento de disolución en que se atopa.

Como ve a situación do continente?

Rusia está contribuíndo con outros países de América e Asia á creación dun planeta multilateral, e neste contexto os estados europeos teñen que entrar nunha nova configuración territorial e deixar de ser a cola dos EEUU.

Ademais, os estados da Europa son fracturábeis e pode haber independencias, como ocorreu en Iugoslavia, mais como estas eran favorábeis aos EEUU foron ben vistas. O independentismo que nós apoiamos non é favorábel a eles e o traballo a facer é maior.

Máis novas
  • Detidos catro militantes independentistas en Vigo e Vilamarín
    politica
    Detidos catro militantes independentistas en Vigo e Vilamarín

    A Garda Civil detivo esta fin de semana catro militantes independentistas. Dous deles serían Miguel G e Joam M.S, segundo fontes do movemento independentista. Os outros dous son, segundo o Instituto armado, Antom G.M e Asunción L.C, aos que sitúa como "máximos responsábeis de Resistencia Galega".

  • Ciudadanos anuncia “medidas” contra o edil de Malpica que votou un alcalde socialista
    politica
    Ciudadanos anuncia “medidas” contra o edil de Malpica que votou un alcalde socialista

    En Malpica haberá alcalde do Partido Socialista, liderado por Walter Pardo. Ese foi o resultado da investidura deste 15 de xuño, en que os catro edís do PSdeG sumaron os doutos votos do BNG e un de Ciudadanos. Da outra banda, seis do PP. Agora Ciudadanos anuncia “medidas” contra o seu concelleiro na localidade, Alfredo Cañizo.

  • Ribeiro en Común abre paso ao PP ao se votar a si mesmo en Ribadavia
    politica
    Ribeiro en Común abre paso ao PP ao se votar a si mesmo en Ribadavia

    A esquerda obtivo unha ampla maioría en Ribadavia o pasado 26 de maio. Catro concelleiros o PSdeG, tres Ribeiro en Común e un o BNG. O PP, encabezado polo até agora deputado no Hórreo César Fernández Gil, cinco. Pois ben: Fernández Gil será alcalde.

  • O PP apoia o BNG en Catoira e Mondariz
    politica
    O PP apoia o BNG en Catoira e Mondariz

    O Partido Popular investiu este sábado o nacionalista Xoán Castaño como alcalde de Catoira. Finalizaron así 30 anos de mandato do socialista Alberto García. En Mondariz, a dereita e os socialistas apoiaron o BNG, cuxo candidato, Emilio Barros, será primeiro edil ao desbancar a Alternativa por Mondariz, a forza máis votada.