SESIÓN DE CONTROL

Feijóo gábase de “devolver a equidade ás peaxes” da AP9

Redacción 24 xaneiro 2018 11:48 h.

Defende a xestión do seu goberno no que atinxe á autoestrada e criticou as propostas dos nacionalistas opara resgatar da autoestrada. Luis Villares (En Marea) denunciou o colapso da sanidade pública coas políticas do PP e Fernández Leiceaga (PSdeG) criticou o desleixo da Xunta a respecto do financiamento.

Volveron ao Parlamento as sesión de control ao presidente após o parón de Nadal. Infraestruturas, financiamento e colapso de urxencias foron as cuestións que desde a oposición se puxeron sobre a mesa para que o presidente as respondera. A primeira, Ana Pontón BNG), enumerou unha serie de cuestións chaves (corredor atlántico, AP9, ferrocarril…) nos que considera que o goberno galego non está a defender os intereses de Galiza. Non gostou Núñez Feijóo dos reproches e defendeu a xestión do seu goberno, mesmo gabándose de “devolver a equidade ás peaxes de Galiza”. Unha frase que dita un día despois de coñecer que Fomento suprimirá a peaxe de Rande mais repercutirá o seu custo no resto de persoas usuarias non deixa de ter seu aquel.

Pontón instou o presidente a “pensar en Galiza e non nos beneficios de Audasa” e animou o presidente a dicir a Mariano Rajoy que se ten cartos para resgatar as radiais madrileñas tamén pode facelo coa AP9”. Un “subordinado de Rajoy”, definiuno Pontón. O presidente pasou ao ataque (a facer oposición da oposición, como lle reprochan habitualmente desde as bancadas de En Marea, PSdeG e BNG) e acusou os nacionalistas de propor “disparates económicos”.

Financiamento

Foi despois a quenda do portavoz do PSdeG, Fernández Leiceaga, que volveu preguntar sobre unha das súas cuestións predilectas: o financiamento autonómico e a importancia para Galiza. Reprochou a Feijóo que non actuase perante decisións lesivas para o país, como o recálculo das entregas a conta,”que nos fan perder 321 millóns de euros”.

“Pelexe polos intereses de Galiza e non polo trono dun líder á baixa”, espetoulle Leiceaga a un Feijóo que defendía as decisión dos goberno central ao tempo que poñía en valor a política económica da Xunta: “Somos a autonomía onde menos medrou a débeda pública”.

Sanidade

O colapso dos servizos de urxencias foi o tema que motivou a intervención de Luis Villares (En Marea), que acusou Feijóo de ser un “pesimo xestor” e de liderar unha política de recorte na sanidade pública. O que esdtá a pasar estes días en Urxencias coa vaga de gripe debe de entenderse dentro dos “recortes en persoal e gasto público” que a Xunta leva protagonizando nestes anos.

“Eliminaron 1.705 prazas de persoal sanitario”, díxolle Villares a Feijóo, ao tempo que afirmaba que as “prioridades do PP non coinciden coas prioridades da xente”. Lembrou que os recortes en gasto real en sanidade foron de 18% e defendeu unha sanidade pública galega. Feijóo negou as acusacións e cargou contra a persoa do portavoz de En Marea, ao que acusou de basear as súas intervencións quer en “descoñecemento” quer en “demagoxia”.

Máis novas

politica
Pontón vindica “un novo status político” para Galiza
Unha cadea humana arredor do Museo do Pobo Galego serviu esta sexta feira, 6 de decembro, ao BNG para reivindicar o dereito de autodeterminación dos pobos, na xornada que conmemora o 41º aniversario da Constitución. O de Compostela foi un acto simbólico con numerosos integrantes e simpatizantes, no que a portavoz nacional, Ana Pontón, reivindicou “unha Galiza forte con status de nación e autogoberno real para mellorar a vida das persoas”.
politica
Anova urxe afrontar política e socialmente a "fase de crise terminal" da Constitución
Anova chamou este 6 de decembro a afrontar política e socialmente a “crise terminal” na que ve a Constitución e o Réxime do 78, unha situación que “poderá dilatarse máis ou menos no tempo" pero que ve urxente encarar.
politica
U-la reforma costitucional?
A constitución española fai 41 anos o 6 de decembro e, como en cada aniversario, regresan á mesa do debate político iniciativas de modificación dun texto que permaneceu case inalterábel desde que naceu. Neste tempo, só se fixeron dous trocos: un en 1992, para adaptala ao Tratado de Maastrich, e outro - polémico- en 2011, que mudou o artigo 135 no marco da “estabilidade orzamentaria” propugnada por Bruxelas. Eis un estrato da peza publicada no número 375 do semanario en papel Sermos Galiza.
politica
O BNG anuncia que non acudirá á rolda de contactos con Felipe VI

O deputado do BNG no Congreso, Néstor Rego, non participará da rolda de consultas de Felipe VI sobre a investidura do presidente do Goberno español. A “profunda convicción republicana e soberanista” e o papel da monarquía son os motivos.